Хуучин автомашины шатахуун зарцуулалт
яагаад нэмэгддэг вэ?
Хуучин автомашины шатахуун зарцуулалт нь түүний өнхрөлтийн эсэргүүцэл нэмэгдэх, хөдөлгүүрийн элэгдлээс шууд хамааран шатахуун зарцуулалт нь аажим нэмэгддэг.
Олон жил явсан автомашин нь бүхэлдээ тодорхой хэмжээний элэгдэлд ордог. Эдгээрийн ерөнхий 5 шалтгааныг доор дурьдав.
1. Хөдөлгүүрийн дээд анги буюу механик ажиллагаатай оруулах гаргах сувгийн хавхлагануудыг "дарах" нударган голын өвдөгөнд завсар үүссэний улмаас цохилт үүсдэг.
2. Хөдөлгүүрийн поршин ба цилиндрийн үрэлтийн улмаас поршингийн кольц элэгдэн шатах камерийн даралт буюу поршингийн шахалт 8-12 атмосперийн даралттай байх ёстой байдаг бол энэ даралт буурч 8 атмоспероос дээш гарахгүй болдог. Үүний улмаас шаталт муу явагдаж хөдөлгүүр хүчгүй болно.
3. Яндангийн системийн катализаторт хувьсгуур олон жилийн эдэлгээний явцад бөглөрч битүүрсний улмаас хөдөлгүүр ажилласан хийг гаргахад хүч зарцуулж ажилласан хийний тодорхой хэсгийг шатах камерт үлдээдэг.
4. Явах ангийн тосолгоо үйлчилгээг хийхгүй удсанаас үүдэн редуктор буюу дифференциал хувиарлагчид зууралт үүсч автомашины өнхрөлтийн эсэргүүцлийг нэмэгдүүлдэг.
5. Хөдөлгүүрийг тойрон байрласан мэдрэгчүүд хэт хуучирч муудан гэмтсэний улмаас төв компьютерт буруу мэдээлэл дамжуулдаг. Төв копьютер маань тэдгээр мэдрэгчүүдээр дамжуулан гадаад орчны температур, агаарын даралт, чийгшлийн хэмжээ зэрэг мэдээллийг хүлээн авч, түүнд тулгуурлан форсункны шатахуун шүрших хэмжээг тодорхойлдог тул буруу мэдээлэлд хууртан шатахуун зарцуулалтыг ихэсгэдэг байна.
