Хөдөлгүүрийн эд ангиудын хоорондох үрэлтийг багасгах зорилгоор тосолгооны систем нь хөдлөх хэсгүүдийн тосолгоог хийдэг. Тосолгоонй систем нь тосны сав, тосны насос, тосны шүүр ба тосолгооны сувгуудаас бүтнэ. Тосыг хөдөлгүүрийн доод хэсэг дэхь тосны саванд нөөцөлж насосоор тосолгооны суваг руу тодорхой хэмжээний даралтаар шахдаг. Тосолгооны суваг руу шахагдаж буй тосон дахь бусад жижиг биет болон тунадаст бохирдлыг тосны шүүрээр шүүдэг. Тосолгооны систем нь хөдөлгүүрийн эд ангиудыг тосолсны дараа тосны хөргөх хэсэг рүү орж хөрөөд дахин тосны сав руу орох гэсэн эргэлдэх давтамжаар хөдөлгүүрийг тосолдог. 

Тосны насос нь тахир голд шууд нэмэлтээр хөтлөгдөн эргэлт авч хөдөлгүүрийн тосолгооны сувгууд руу тосыг даралттай шахдаг төхөөрөмж юм. Тосны насосын ажиллагаа нь араан роторт гэсэн хоёр хэлбэртэй байдаг. 

Хөдөлгүүрийг тосолж буй тосыг дахин ашиглахын өмнө түүний температурыг багасгаж хөргөдөг. 

Тосны хөргөгч нь радиаторын урд байрлах жижиг загвар байх ба хөргөлтийн шингэн (тосол) дамжих хоолойнуудаар гүйж тосыг хөргөдөг байна. 

Зарим автомашины тосны хөргөгч нь урд нүүрний хэсэгт байрлаж 

агаарын урсгалаар хөргөх зохион байгуулалттай байдаг. 

Тосны зууралдамхай чанарыг тусгай тусгай температурт тосны урсгалын хувийг заадаг олон зэргүүд байдаг. Зууралдамхай чанар багатай шингэн тос нь хүйтэн, сэрүүн нөхцөлд зориулагдсан, өтгөн тос нь зууралдамхай чанар өндөр учир дулаан нөхцөлд тохиромжтой. 

Сентитик тос нь хөдөлгүүрийн элэгдлийн эсрэг үйлчилгээтэй химийн бодисоор баяжуулсан өндөр темпе, атурт тослох чанараа алддаггүй, бага температурт хөдөлгүүрийн тосолгоог сайн хийдэг зэрэг олон давуу талтай байдаг. Энэ тос нь ердийн тосыг бодвол харьцангуй үнэтэй байдаг ч 15-20  мянган км тутамд сольдог тул байгаль орчинд ч харьцангуй ээлтэй бүтээгдхүүн юм.

Хөдөлгүүрийн тос болон маслын шүүрийг солилгүй удаасны улмаас тос дамжуулах сувгууд битүүрч, маслын насос элэгдэж  муудснаар тосны даралт унах цаашлаад тосолгоо дутсан хөдөлгүүр маань маш их хэмжээний элэгдэлд ордог тул жоооч та цаг тухайд нь хөдөлгүүрийн тосоо сольж байхыг зөвлөж байна. 

Асаалтын түлхүүрийг залгасны дараа хянах, мэдээлэх хэрэгслүүд болон түүний датчикууд тэжээлээр хангагдаж ажиллаж эхэлнэ. Эдгээр нь аккумуляторын батерейн цэнэг, түлшний хэмжээ, хөдөлгүүрийн тосны даралт, хөргөх шингэний температур, автомашины хурд, гүйлт зэргийг дэмжиж жолоочид мэдээлж байдаг. Дээрх мэдээллийг жолоочид дамжуулахдаа гэрэл, аналог болон тоон заалт бүхий мэдээлэгчүүдийг ашигладаг. 

 

Генератороос гарч батерейд дамжих гүйдлийн урсгал нь гүйдэл хэмжүүрийн хэлхээгээр дамжих явцдаа ороомогт цахилгаан соронзон оронг үүсгэдэг. Уг соронзон орон нь тогтмол соронзонд үйлчилснээр түүнтэй бэхлэ ягдсэн зүүг баруун тийш хөдөлгөдөг. Харин батерейнээс гарах урсгал нь зүүг зүүн тийш эргүүлнэ. 

 

 

 Даралтны датчикийг хөдөлгүүрийн блогт боож өгдөг. Датчикийн дотор хэсэгт дамжих тос нь пүрш бүхий өрцийг шахаж өгснөөр резисторын гулсагчийг шилжүүлдэг. Уг резисторын эсэргүүцлээс хамаарч мэдээлэгч доторх хос ороомгийн гүйдлийн тэнцвэр өөрчлөгддөг. Энэ үед үүсэх соронзон туйлшрал нь зүүг шилжүүлэх хүчийг бий болгоно. 

 Хөдөлгүүрийн температурыг термистор гэж нэрлэгддэг хагас дамжуулагчийн тусламжтайгаар хэмждэг. Хөргөх шингэний температур ихсэх үед термисторын цахилгаан эсэргүүцэл багасаж харин мэдээлэгч доторх ороомгоор гүйх гүйдэл ихэсдэг. Их гүйдлийн нөлөөгөөр ороомог хална. Улмаар биметалл татуурга нь тахийж зүүг хөдөлгөснөөр температур ихсэхийг жолоочид мэдээлдэг. 

 

 Хурд хэмжүүрийн уян холбоос нь хурдны хайрцгийн 2р голтой холбогддог. Автомашины хурд ихсэх үед уян холбоосны үзүүрт байх тогтмол соронзонгийн эргэх хурд нэмэгддэг. Энэ үед тогтмол соронзонгоос түүний гадна байрлах металл аягыг түлхэх хүч ихсэнэ. Харин дээрх хүч нь аягатай нэг гол дээр бэхлэгдэх тавган пүршний эсэргүүцлийг  давж эргүүлснээр зүү дагаж шилждэг. 

 

Хурд хэмжүүрийн гол дээрх шураг нь одометрийн гүйлт хэмжүүрийн араануудыг эргүүлдэг. Гүйлтийг хурд хэмжүүрийн уян холбоосны эргэлтийн тооноос хамаарч хэмждэг. Өөрөөр хэлбэл автомашин 1 км газар явахад гүйлт хэмжүүрийн эхний хүрд нэг бүтэн эргэдэг. Эхний хүрд бүтэн эргэхэд хоёр дахь хүрд нэг тоогоор эргэдэг. Цаашид дээрх зарчмаар хүрднүүд эргэж гүйлтийн хэмжээг тооцоолдог.