Зөвлөгөө - Айчи Авто Мобилс Монголиа

Хөдөлгүүрийн тосолгооны систем

Хөдөлгүүрийн эд ангиудын хоорондох үрэлтийг багасгах зорилгоор тосолгооны систем нь хөдлөх хэсгүүдийн тосолгоог хийдэг. Тосолгоонй систем нь тосны сав, тосны насос, тосны шүүр ба тосолгооны сувгуудаас бүтнэ. Тосыг хөдөлгүүрийн доод хэсэг дэхь тосны саванд нөөцөлж насосоор тосолгооны суваг руу тодорхой хэмжээний даралтаар шахдаг. Тосолгооны суваг руу шахагдаж буй тосон дахь бусад жижиг биет болон тунадаст бохирдлыг тосны шүүрээр шүүдэг. Тосолгооны систем нь хөдөлгүүрийн эд ангиудыг тосолсны дараа тосны хөргөх хэсэг рүү орж хөрөөд дахин тосны сав руу орох гэсэн эргэлдэх давтамжаар хөдөлгүүрийг тосолдог.

Тосны (маслын) насос

Тосны насос нь тахир голд шууд нэмэлтээр хөтлөгдөн эргэлт авч хөдөлгүүрийн тосолгооны сувгууд руу тосыг даралттай шахдаг төхөөрөмж юм. Тосны насосын ажиллагаа нь араан роторт гэсэн хоёр хэлбэртэй байдаг.

Маслын хөргөгч

Хөдөлгүүрийг тосолж буй тосыг дахин ашиглахын өмнө түүний температурыг багасгаж хөргөдөг.

Тосны хөргөгч нь радиаторын урд байрлах жижиг загвар байх ба хөргөлтийн шингэн (тосол) дамжих хоолойнуудаар гүйж тосыг хөргөдөг байна.

Зарим автомашины тосны хөргөгч нь урд нүүрний хэсэгт байрлаж

агаарын урсгалаар хөргөх зохион байгуулалттай байдаг.

Маслын шүүр

Хөдөлгүүрийн хөдөлгөөнт хэсгүүдийн үрэлтээс үүсэн бий болсон металл ялтас, тунадас зэрэг тосон дахь элдэв бохирдлыг хөдөлгүүрийг тослох давтамжтайгаар эргэх тосноос цаасан шүүлтүүр бүхий шүүрийг ашиглан шүүж авдаг.

Тосны зууралдамхай чанар

Тосны зууралдамхай чанарыг тусгай тусгай температурт тосны урсгалын хувийг заадаг олон зэргүүд байдаг. Зууралдамхай чанар багатай шингэн тос нь хүйтэн, сэрүүн нөхцөлд зориулагдсан, өтгөн тос нь зууралдамхай чанар өндөр учир дулаан нөхцөлд тохиромжтой.

Сентитик тос

Сентитик тос нь хөдөлгүүрийн элэгдлийн эсрэг үйлчилгээтэй химийн бодисоор баяжуулсан өндөр темпе, атурт тослох чанараа алддаггүй, бага температурт хөдөлгүүрийн тосолгоог сайн хийдэг зэрэг олон давуу талтай байдаг. Энэ тос нь ердийн тосыг бодвол харьцангуй үнэтэй байдаг ч 15-20 мянган км тутамд сольдог тул байгаль орчинд ч харьцангуй ээлтэй бүтээгдхүүн юм.

Ашиглалтын зөвлөгөө:

Хөдөлгүүрийн тос болон маслын шүүрийг солилгүй удаасны улмаас тос дамжуулах сувгууд битүүрч, маслын насос элэгдэж муудснаар тосны даралт унах цаашлаад тосолгоо дутсан хөдөлгүүр маань маш их хэмжээний элэгдэлд ордог тул жоооч та цаг тухайд нь хөдөлгүүрийн тосоо сольж байхыг зөвлөж байна.

Category: Зөвлөгөө | Views: 3035 | Added by: uugi | Date: 2012/12/29 | Comments (0)

Дугуй яагаад хагарав?

Тухайн автомашин өөрт нь тохирох хэмжээтэй дугуй, дугуйн даралтын хэмжээ зэргээс гадна дугуйн даац, хурдны хязгаар зэргийг тохируулж ашиглаагүй тохиолдолд дугуй маань амархан хагардаг гэдгийг анхаарч жолооч та дугуй худалдаж авахдаа түүний даац, хурдны хязгаар зэргийг үзэж байгаарай.

Автомашины хойд болон урд дугуйнуудын дараот яг байх ёстой хэмжээндээ байх хэрэгтэй.

1. Дугуйн хий сул байвал шатахуун зарцуулалт нэмэгдэж, дугуйн хээ гадна талаараа элэгддэг байна.

2. Дугуйны хий чанга байхад дугуйн хээ голоороо элэгддэг байна.

Хий султай дугуйнд хадаас мэтийн зүйл ороход түүний хий хурдан гарч амархан шалчийдаг.

Олтой, хаймаргүй, хийний даралт хэвийн дугуй нь хадаас зэрэг зүйл орсон ч хийгээ шууд алдалгүй тодорхой хугацаанд барьж аажмаар хийгээ алддаг тул та дугуй засварын газар очих хангалттай хугацаатай байна.

Category: Зөвлөгөө | Views: 1700 | Added by: uugi | Date: 2012/12/27 | Comments (0)

Хянах самбарын анхааруулах гэрлүүд юуг илэрхийлдэг вэ?

Хянах самбарын анхааруулах гэрлүүд юуг илэрхийлдэг вэ?

Анхааруулах гэрэл- Warning ligths

Доорх анхааруулах гэрлүүдийн аль нэг нь асвал та автомашиндаа шаардлагатай арга хэмжээг авах хэрэгтэйг анхаарна уу?

Энэ анхааруулах гэрэл зогсоолын тоормосыг бүрэн суллаагүй эсвэл тоормосны системд гарах алдаа, шингэн дундарсан зэрэг шалтгаанаар асдаг.
Санамсаргүй байдлаас болж зогсоолын тоормосыг суллахгүйгээр замын хөдөлгөөнд оролцох нь аюултай зүйл юм. Зарим автомашинд энэ хэлбэрээр асна.
Хөдөлгүүрийн температур хэт өндөр болоход асна. Энэ анхааруулах тэмдэг ассан тохиолдолд автомашиныг зогсоож хөдөлгүүрийг нэн даруй унтраах шаардлагатай.
Хөдөлгүүрийн тосолгооны системийн тосны түвшин багасах мөн тосны даралтын хэмжээ хэт бага байгааг анхааруулж асна.
Цахиощлгаан үүсгэх төхөөрөмж буюу генераторын ажиллагаа доголдож автомашины цахилгаан хэрэгсэл тэжээлээр доголдохыг анхааруулж асна.
Хамгаалалтын дэрний ажиллагаа идэвхгүй болсонг анхааруулж асна.
хамгаалалтын бүс зүүгээгүйг анхааруулж асна.
Хаалга дутуу, онгорхой эсвэл дутуу хаагдсаныг анхааруулж асна.
check engine анхааруулах гэрэл нь автомашины удирдлагын системд ямар нэгэн доголдол гэмтэл байгааг жолоочид мэдээлж асдаг.
Хөдөлгүүрийн хүч багассаныг анхааруулж асна.
Тоормосны ABS системд электрон хянах хэсэг, хурдны тоологч гэх мэт ямар нэгэн гэмтэл гарсныг анхааруулж асна.
Тоормосны ABS систем идэвхгүй болсныг анхааруулна. \автомашиныг ердийн тоормосны ажиллагаатайгаар цаашид жолоодож болно.\
Тоормосны наклад дуусч байгааг анхааруулж асна. Накладны цахилгаан мэдрэгчтэй машинд энэ анхааруулах гэрэл байна.
Дугуйны даралтыг хянах системийн дугуйн хийний даралтыг 25% ихсэх болон багасах үед анхааруулж асна. Энэ системд ихэвчлэн тогтворжилтын хянах системтэй автомашинд тоноглогдсон байдаг.
Дугуйны даралтыг хянах систем гадна орчны температураас хамаарч дугуйн хийний даралт багасах үеийг анхааруулж асна.
Хүч дамжуулах анги болон механик, автомат кропны эвдрэл гэмтэл, алдаа зэргийг мэдээлж засна.
Жолооны хүрдийг түгжээгүй байхыг анхааруулж асна.
Автомашины хамгаалалтын системийн эвдрэлийг анхааруулж асна. Зарим машинд түлхүүр хэлбэртэй байдаг.
Автомат кропны тосны температур хэт өндөр байгааг анхааруулж асна.
Шатахууны банкны тагны битүүмж алдагдсаныг анхааруулж асна.
Эдгээр анхааруулах гэрэл ассан тохиолдолд шатахууны банкны тагийг зөв эргэдэж чангалсан эсэхийг шалгаарай.
Хөдөлгүүрийн хөргөх систем хөргөлтийн шингэн бага байгаааг анхааруулж асна.
Электрон коллекторын элэгдэл, гэмтлийг анхааруулж асна.
Дизель хөдөлгүүрийн халаагч ажиллаж байгааг илэрхийлж асна.
Шатахууны нөөц багассныг анхааруулж асна.
Шил арчигч шингэн дууссаныг анхааруулж асна.
Духны ремин солих болсныг анхааруулж асна.

Category: Зөвлөгөө | Views: 11036 | Added by: uugi | Date: 2012/12/26 | Comments (0)

GDI хөдөлгүүр

\gasoline direct injection\

Японы инженерүүд агаарын бохирдол, дэлхийн дулаарал зэргийг харгалзан үзэж байгаль орчинд ээлтэй технологи болох энэхүү GDI технологийг бүтээжээ.

GDI хөдөлгүүрийн форсунг нь шатах камер дотроо байрладаг. Өөрөөр хэлбэл поршин дээшилж хуйларсан агаарыг шахаж даралтанд оруулж буй агшинд форсунг нь шатахууныг тоосруулан цацаж өгдөг. Ингэснээр агаар нь шатахуунтай маш сайн холилдож өгдөг.

Өндөр даралтат шатахууны насостой GDIн хөдөлгүүр нь шатахууны шаталтын хэмжээг одоогоор байж болох хамгийн өндөр хэмжээнд хүргэж энгийн хөдөлгүүртэй харьцуулахад 10%иар илүү хүчтэй, утааны найрлага дахь CO- хэмжээ нь 20%иар бага ялгардаг ба шатахууныг 10-20% хэмнэж хэрэглэдэг технологи юм. 60 км\ц хурдтай явахад 13%ийн шатахуун хэмнэлт гаргасан нь батлагдсан байна.

Category: Зөвлөгөө | Views: 1504 | Added by: uugi | Date: 2012/12/26 | Comments (0)

Японоос автомашин захиалах

Auction буюу дуудлага худалдаанаас машин худалдан авах, захиалах

Та манай компаниар дамжуулан Японы автомашины дуудлага худалдаанаас машин захиалахдаа:

Манай компанийн харилцах утсаар эсвэл оффис дээр өөрөө болон өөрийн төлөөлөгчийг явуулж ямар маркийн, ямар өнгөтэй, хөдөлгүүрийн багтаамж ямар байвал зүгээр зэрэг бүх саналаа хэлнэ.
Дараа нь бид таны саналын дагуу дуудлага худалдаанаас хайлт хийж хэрэв таны хүссэн үзүүлэлтүүдтэй нийцэж байвал эргэж тантай холбогдож уг машиныг санал болгоно.
Уг санал болгосон машин таны хүсэлд нийцэж байвал та болон манай компани хоорондын худалдан авалтын гэрээг байгуулна. \Та машиныхаа төлбөр тооцоог хэрхэн төлөх тухай уг гэрээн дээр заагдсан байх болно.\
Үүний дараа бид өөрсдийн мөнгөөр таны машиныг худалдан авч мөн commission буюу хураамжийг өөрсдийн мөнгөнөөс гаргаж таны машиныг монголд таны гар дээр хүргэж өгнө.

Commission буюу хураамжид ямар зардлууд багтах вэ?

Энэ хураамжид recycle буюу дахин эргэлтэд оруулах төлбөр, худалдан авсан дуудлага худалдааны байршлаас үл хамааран Японы газар нутаг дээрх бүх төрлийн тээврийн зардал, экспортын гэрчилгээ, Засгийн газрын татвар, шуудан, харилцаа холбоо, гаалийн бүрдүүлэлт, худалдан авахын өмнөх болон дараахь үеийн гэрэл зураг (машин ачигдсаны дараа та хэрэв хүсвэл эдгээр гэрэл зургуудыг хэрэглэн машинаа Монголд очихоос өмнө зарах боломжтой), боомтын хадгалалтын зардал болон бэхэлгээний зардал зэрэг Японы газар нутаг дээр холбогдон гарах бүхий л зардал багтсан болно.

Category: Зөвлөгөө | Views: 2111 | Added by: uugi | Date: 2012/12/22 | Comments (0)

« 1 2 ... 5 6 7 8 »

Валютын ханш Хаан банк