Яг одоо манай сайтад: |
Total online: 1 Guests: 1 Users: 0 |
|
Шинийн 17
Харагчин могой өдөр
|
|
Main » Авто мэдээ
Автомашины өнгөний өөрчлөлт, хандлага | Автомашин хөлөглөгчдийн хувьд машины өнгөний сонголт маш чухал ач холбогдолтой асуудлын нэг. Тэгвэл автомашины өнгө, загварын чиглэлээр үйл ажиллагаа явуулдаг дэлхийн хамгийн том компаниудын нэг болох PPG 2012 онд хэрэглэгчид ямар өнгөтөй машиныг хамгийн ихээр сонгосон талаарх статистикийг гаргажээ. |
Цагаан өнгө машины 2 дахь жилдээ хамгийн өргөн сонголт байж чаджээ. Нийт хэрэглэгчдийн 22% нь цагаан өнгийг сонгосноор энэ оны хамгийн нийтлэг машины өнгөөр тодорсон бөгөөд 2011 онд ч мөн ийм үр дүн гарч байжээ. Хэрэглэгчдийн 2-р сонголтоор мөнгөлөг өнгө (20%) тодорсон бол 3-р байранд хар (19%)өнгө, 4-р байранд саарал өнгө (12%) тус тус оржээ. Хойд Америкийн хэрэглэгчдийн өнгөний сонголтыг авч үзвэл мөн л тэргүүн байрт цагаан өнгө (21%) бичигдсэн бол дэд байрыг хар (19%), 3-р байранд мөнгөлөг (16%), саарал (16%) тус тус эзэлжээ. PPG нь Дэлхий даяар 20 гаруй салбар, 6 том өнгөний лаборатори бүхий энэ чиглэлээр үйл ажиллагаа явуулдаг дэлхийн хамгийн том компаниудын нэг юм. PPG-ийн менежер Jane E.Harrington ярихдаа: "Өнгө бол бидний өдөр тутмын амьдралдаа хэрэглэдэг хамгийн жижиг эд зүйлээс эхлээд гар утас, цахилгаан хэрэгсэл, автомашин зэрэг үнэ бүхий томоохон хөрөнгийн загвар дизайныг тодорхойлдог хамгийн чухал бүрэлдэхүүн хэсэг нь юм” гэжээ. Мөн тэдний судалгаагаар хэрэглэгчид машиныхаа өнгийг сонгоход хамгийн чухал хүчин зүйлсийн нэг нь дотоод интерьерийн өнгө байдаг гэдэг нь тогтоогджээ. Хэрвээ бид 30-40 жилийн өмнөх үеийг сөхөж харвал хэрэглэгчдийн тэргүүлэх сонголт нь улаан, шар, цэнхэр, ногоон гэх мэт хурц тод өнгөнүүд байж алиман ногоон өнгөтэй BMW, тэнгэрийн хөх өнгөтэй Land Cruiser FJ60, бэрсүүт жүржийн өнгөтэй Volvo 140 вандуйн ногоон Mercedes diesel wagon station зэрэг машинуудууд 70-80 оны хотын гудамжийг чимж байсныг харж болно. Гэтэл яагаад өнөөдөр бид цагаан, хар, саарал өнгүүдийг сонирхох болов гэдэг асуулт сонирхол татаж байна. Хариулт нь орчин үеийн автомашины будаг үйлдвэрлэлийн технологитой холбоотой ажээ. Хэрвээ бид өмнөх үе рүүгээ эргэн харвал машинууд орчин үеийн машинуудад огтхон ч харагдахаа больсон хэт хурц тод өнгөөр будагддаг байлаа. Гэхдээ машиныг тийм гоёмсог өнгөөр будахын тулд хэрэглэдэг байсан акрилын будаг нь маш олон өнгөний сонголттой байсан ч ус, чийг, нарны гэрлийн хэт ягаан туяаны нөлөөнд амархан гэмтдэг байж. Түүгээр ч барахгүй түүнийг үйлдвэрлэх үйл ажиллагаа нь экологийн хувьд таагүй нөлөө үзүүлж эхэлсэн байна. Иймээс полтуретан дээр суурилсан автомашины будгийг хэрэглэж эхэлсэн нь акрилын будагнаас хэд дахин хямд төдийгүй гадаад орчны нөлөөлөлд автах нь бага байдаг байна. Мөн акрилын будагнаас илүү хурц гялалздаг. Гагцхүү түүний өнгөний сонголт нь хязгаартай. Хурц тод, олон янзын өнгө гаргахын тулд багагүй мөнгө зарах хэрэгтэй болдог байна. Иймээс л орчин үеийн машины өнгө нэгэн хэвийн уйтгартай, сонголт багатай болоод байгаа ажээ. Үйлдвэрлэгчид цөөн өнгөний сонголт бүхий машин үйлдвэрлэж байхад хэрэглэгчид эдгээрээс л сонгоно шүү дээ.
|
Японы хөдөлгүүрүүд хамгийн найдвартай гэсэн судалгаа гарчээ. Warranty Direct компани нийтдээ 36 төрлийн хөдөлгүүрийн найдвартай байдалд судалгаа явуулж , жагсаалт гаргасан байна. Хамгийн найдвартай хөдөлгүүр үйлдвэрлэлийн арван үйлдвэрлэгч | Байр | Марк | Эвдрэлийн хувь | Нэг эвдрэлд ноогдох машины тоо | 1 | Honda | 0,29 | 344 | 2 | Toyota | 0,58 | 171 | 3 | Mercedes-Benz | 0,84 | 119 | 4 | Volvo | 0,90 | 111 | 5 | Jaguar | 0,98 | 103 | 6 | Lexus | 0,99 | 101 | 7 | Fiat | 1,17 | 85 | 8 | Ford | 1,25 | 80 | 9 | Nissan | 1,32 | 76 | 10 | Land Rover | 1,38 | 72 |
Хамгийн найдваргүй хөдөлгүүр үйлдвэрлэлийн арван үйлдвэрлэгч | Байр | Марк | Эвдрэлийн хувь | Нэг эвдрэлд ноогдох машины тоо | 1 | MG Rover | 7,88 | 13 | 2 | Audi | 3,71 | 27 | 3 | MINI | 2,51 | 40 | 4 | Saab | 2,49 | 40 | 5 | Opel/Vauxhall | 2,46 | 41 | 6 | Peugeot | 2,26 | 44 | 7 | BMW | 2,20 | 45 | 8 | Renault | 2,13 | 46 | 9 | Volkswagen | 1,91 | 52 | 10 | Mitsubishi | 1,70 | 59 |
|
Машины утаа хамгийн хорон нь |
|
|
|
| НҮБ-аас хүн амын эрүүл мэндэд хамгийн хортой гэж тогтоосон 10 бодисын дотор автомашины хөдөлгүүрийн утаагаар ялгаран гардаг нүүрстөрөгчийн исэл нь хортой чанараараа цацраг идэвхит бодисын дараа 2-рт, мөн азотын исэл 4-рт оржээ. Нүүрстөрөгчийн исэл нь бензин хөдөлгүүрт автомашинаас, харин азотын исэл нь дизель хөдөлгүүрт автомашинаас гардаг. |
Эрдэмтдийн хийсэн судалгааны дүнгээс харахад агаар бохирдуулагч нүүрстөрөгчийн ислийн дөнгөж 10 орчим хувийг суурин эх үүсвэр /гэр хороолол, уурын зуух/, харин 90 гаруй хувийг хөдөлгөөнт эх үүсвэр /автомашин/ гаргадаг юм байна. Түүнчлэн агаар дахь нүүрс - ус төрөгч, азотын ислийн 50 хувь нь мөн л автомашинаас үүдэлтэй. Тэгэхээр агаарын бохирдол гэхээр л нөгөө муу гэр хорооллынхноо ад үзээд байдаг ч анхаарах л ёстой асуудал юм байна. Автомашины утаагаар ялгарах хорт бодис нь хүний амьсгалах түвшинд /20-30 см-т/ хаягддаг учраас хамгийн хор хөнөөлтэй байдаг юм байна. Ялангуяа өвлийн улиралд хүйтний хэмээс хамаарч агаар нягтарсан байдаг учир машины утаа дээшээ хөөрч чаддаггүй, орчиндоо бөөгнөрч байдаг. Замын цагдаагийн газрын мэдээллээр Улаанбаатарт 240.000 автомашин хөдөлгөөнд оролцож байна. Үүний 30.000-40.000 нь дулаан гаражаар хангагддаг гэсэн тойм тооцоо ч байдаг. Царцсан автомашин хэвийн үеэсээ хамгийн багаар бодоход 10 дахин их хортой утаа ялгаруулдаг гэж үзвэл дулаан гаражгүй 200.000 автомашин нь 2.000.000 автомашины утаатай тэнцэхүйц хэмжээний утаа, тортог ялгаруулж байна гэж манай инженер тооцоолсон байна. Тээврийн хэрэгслийн хөдөлгүүрээс ялгаран гарч буй утааны найрлаганд нүүрстөрөгчийн исэл, хөө тортог, хар тугалга, бензипирэн, альдегид зэрэг 200 гаруй хорт бодис байдаг аж. Эдгээр нь хүний бие, эрүүл мэндэд хэрхэн сөргөөр нөлөөлдөг талаар олон тооны баримтууд байдаг. Цөөн зарим нэгийг нь дурдвал: Автомашины хөдөлгүүр албадан сул ажиллахад, хөдөлгүүрээр тормослох үед нүүрстөрөгчийн хэмжээ олон дахин ихэсдэг бөгөөд бензиний ууршилт, хөдөлгүүрийн тэвшнээс гарах дутуу шатсан нүүрстөрөгч бүхий хий нь төв мэдрэлийн системийг мансууруулах буюу амьсгалын замын салст эрхтнүүдийг цочрооно. Хөө тортог нь хүний амьсгалын замыг бохирдуулахаас гадна хамар, уушигны архаг өвчин үүсгэх ба хорт хавдар үүсгэгч бодисын дамжуулагч нь болдог. Автомашины хөдөлгүүрийн цилиндр, поршингийн хэсэг элэгдсэн, царцсан, хөдөлгүүрийн тосны зарцуулалт ихэссэн үед утаан дахь бензпирэн хэдэн арав дахин ихэсдэг бөгөөд энэ нь амьсгалын замаар дамжин хүний бие махбодод хуримтлагдаж, улмаар хорт хавдар үүсгэх аюултай. 10.000 хүнд ноогдох хорт хавдрын өвчлөлийн тоогоор манай улс дэлхийд эхний 10-т орж байгаа нь үүнтэй холбоотой ч байж болох юм. МАШИНАА ДУЛААН ХОНУУЛАХ АРГА Хувийн гаражгүй жолооч нар машинаа дулаан хонуулах гэж янз бүрийн л арга хэрэглэдэг. Шөнийн цагаар хөлсний гараажид тавих, хучлага хучих гэх мэт. Гэвч бүхэл бүтэн өвлийн турш дулаан гаражд хонуулах нь эдийн засгийн хувьд ч халгаатай. Жижиг тэрэг хоногийн 3000-4000, жип болон ачааны тэрэг 4000-5000 төгрөгний ханштай байна. Тиймээс жолооч нар мөнгөө хэмнэх үүднээс янз бүрийн арга хэрэглэдэг. Машинаа ил зогсоолд байрлуулж бүтээлгээр хучих гээд л. Үнийн хувьд 40,000-90,000 төгрөгний ханш заажээ. Хучлагаар үйлчилдэг зогсоол ч байдаг. Хучлага хэрэглэж байгаа тохиолдолд машинаа нэлээн удаан халааж оройхон тавих хэрэгтэй болдог. Өдөржин энэ чигээр нь орхивол үүний үр дүн гэж бүүр ч байхгүй. Тиймээс аккумлятор сайн байх хэрэгтэй. Энэ арга өглөө аажуухан босож яаралгүй хөдөлдөг хүнд илүү зохимжтой. Гол хүндрэл тоос шороо болсон хүнд хучлагатай өглөө орой бүр ноцолдох. Энэ арга нь ямар нэгэн дулааны эх үүсвэргүй учраас хэдий машин асавч элэгдэл хорогдол чамгүй үзүүлнэ. Машин халтлаа нэлээд бензин иднэ. Гүйцэт халлаа ч нэгэнт хүйтэн асалт хийсэн учраас свеча-ны нөхцөл байдал сайнгүй байж ерөнхийдөө идэлттэй. Хамар дотор дулаалга хийх, машинаа байрлуулсаны дараа доогуур нь хөөсөнцөр шургуулах, янданг бөглөх зэрэг аргуудыг давхар хийх хэрэг гардаг. Монгол инженерийн бүтээсэн ДН-1 хэмээх халаах төхөөрөмж Энэ нь дулаан гаражгүй жолооч нарт хамгийн хэрэгцээтэй эд бөгөөд шөнийн -20-40 хэмийн хүйтэнд машины аккумляторын шингэн, мотор, кропны тосыг царцаахгүй байлгах зорилготой. Мөн хөлдсөн царцсан тосыг халаана. Гадаа байгаа машиныхаа кастчерын доор авто халаагчийг байрлуулаад цахилгаанд залгаж хэрэглэнэ. Ихэнх жолооч нар асуухдаа цахилгаанд хэр хэмнэлттэй вэ шөнөжин залгаж болох уу гэж асуудаг. Хоногт 1,5-3.0 квт цахилгаан зарцуулдаг бөгөөд шөнийн турш дээд тал нь 150 төгрөг л жолоочийн халааснаас гарна. Энэ төхөөрөмжийг багаар бодоход 15 жил ашиглана. Үнийн хувьд 100 гаруй долларын ханштай байдаг гэнэ. |
|
Автомашины дугаарын төгсгөлөөр хязгаарлаж буй хуваарь
Гариг | Дугаарын төгсгөл | Даваа | 1 ба 6 | Мягмар | 2 ба 7 | Лхагва | 3 ба 8 | Пүрэв | 4 ба 9 | Баасан | 5 ба 0 | Бямба (1 сарын 26, 2 сарын 2) | Тэгш тоогоор төгссөн | Ням (1 сарын 27, 2 сарын 3) | Сондгой тоогоор |
|
Нисдэг машин замын хөдөлгөөнд оролцоно АНУ-ын "Terrafugia” компанийн зохион бүтээсэн "Transition” нисдэг машинд замын хөдөлгөөнд оролцох зөвшөөрөл олгосон тухай ВВС уламжиллаа. Машинд туршилтын нислэгийн зөвшөөрөл олгосноос 12 сарын дараа ийнхүү агаарын замын хөдөлгөөнд оролцох зөвшөөрөл өгснөө Замын хөдөлгөөний аюулгүй байдлын үндэсний газраас мэдэгджээ. Дөрвөн дугуй, хоёр далавчтай, хоёр хүний суудалтай уг машин 500 метрийн өндөрт хөөрөх чадалтай бөгөөд 279 мянган ам.долларын үнэтэй аж. "Transition”-ыг зохион бүтээгчдийн ярьж буйгаар, Америкийн нислэгийн 5000 орчим талбай, агаарын зам дээр уг машинаар зорчиж болох аж. Үүний зэрэгцээ 100 гаруй хүн одоогийн байдлаар нисдэг машиныг захиалж, урьдчилгаа мөнгө төлсөн байна.
|
|
|
|
Хуанли |
« March 2024 » | Su | Mo | Tu | We | Th | Fr | Sa | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |
|
|
|