"Айчи Авто Мобилс Монголиа" ХХК MainSign UpLogin Tuesday
2024/03/19
10:39 AM
Welcome Guest | RSS
Автомашины захиалга, худалдаа. Та хүссэн авто машинаа хамгийн хямд үнээр захиалан авах боломжтой. Та бүхнийг урьж байна.

Ангилал
Манай машинууд [0]
Манай худалдаалж буй машинууд
Авто мэдээ [14]
Авто ертөнцийн эргэн тойронд
Авто мэдлэг [27]
Таны мэдлэг
Зөвлөгөө [36]
Танд хэрэгтэй зөвлөмж
Авто лавлах [6]
Автотой холбоотой лавлах
Авто машин үйлдвэрлэгчид [14]
Түүх
автомашины үнэ [1]
Захиалах боломжит үнэ
zahialgiin vne [0]
Яг одоо манай сайтад:

Total online: 1
Guests: 1
Users: 0
Login form



 
Шинийн 17
Харагчин могой өдөр
 Home page 
"Айчи Авто Мобилс Монголиа ХХК" авто машины захиалга, худалдаа


Ачааны тэрэг

Манайх дараах банкнуудын лизингтэй боллоо...


Гэрлэн дохио түүний зориулалт ба бүтэц

1914 оны 8 сарын 5-нд дэлхийн түүхэнд анх удаа АНУ-ын Огайо мужийн Кливленд хотын 105-р гудамжины уулзвар дээр гэрлэн дохио суурилуулж байжээ.

 Гэрлэн дохио бол тээврийн хэрэгсэл болон замын хөдөлгөөнд оролцож байгаа явган зорчигчдийн аюулгүй байдлыг хангах зорилгоор хэрэглэдэг төхөөрөмж юм. Гэрлэн дохио нь үндсэн 3 өнгийн чийдэнтэй. Чийдэнгийн ашиглалтын хугацаа нь дундажаар 5 жил байдаг. Жирийн чийдэнгээс гадна, матриц үүсгэдэг олон төрлийн чийдэнг ашиглаж болно. Гэрлэн дохиог хэлбэрээр нь автомат, механик гэж 2 хуваадаг. Автомат гэрлэн дохионы үйл ажиллааг зохицуулах 3 янзийн систем бий. Эхний систем нь тодорхой цагийн давтамжаар гэрлэн дохионы өнгө солигддог. Хоёр дахь нь авто замын хөдөлгөөний ачаалалаас хамаарч өнгө солигдох зарчим үйлчилдэг. Харин эцсийнх нь компьютерийн удирдлагатай юм. Гэрлийн өнгө солигдох нэг мөчлөг нь 160 секунд орчим байдаг. Гэрлэн дохионы чийдэнгийн өнгө нь шөнө 100 метрийн алсаас харагдаж байх ёстой.



Category: Авто мэдлэг | Views: 4240 | Added by: uugi | Date: 2013/04/06 | Comments (5)

Автомашин ба Фэнгшүй

Таны машин цэвэрхэн, салондоо бүх зүйл нямбай, хог шороогүй байвал хамгийн гол шүтээн нь тэр болно. Дараагийн машин доторхи фэн шүйгийн сайн зүйл нь түүнтэй сайхан харьцах явдал юм. Мэндлэх, нэр өгөх, машинаа харааж зүхэхгүй, өхөөрдөх гэх мэт. Өөр хүнд шилжүүлэхгүй байвал их сайн. Салхины шилэнд есөн шидийн юм наахгүй байх хэрэгтэй.Цэвэр фэн шүйгээр бол машиндаа Багуа-гийн толийг хэрэглэх нь чухал. Бас нэгэн сонирхолтой автомашины энергийг зохицуулах арга бол Багуа- гийн 8 өнцөгтийг зүүж 8 хуваагаал нүх бүрийг тохирох өнгөөр будаарай.

 

1. Өмнө хэсэг-улаан

2. Баруун өмнө-шар эсвэл ягаан

3. Баруун- цагаан буюу саарал

4. Баруун хойд- цагаан буюу саарал

5. Хойд - хар, хөх эсвэл цэнхэр

6. Зүүн хойд - шар

7. Зүүн - ногоон

8. Зүүн урд- ногоон, нил ягаан

Одоо үүнийгээ духны шилний дээр өмнө зүг дээрээс нь байхаар байрлуулна. Гэрлийн хамгаалалтын цаагуур нуун хавчуулж болно. Энэ нь таны төлөө ажиллана. Машинаа худалдаж авсны дараа сайтар угааж цэвэрлээрэй. Сүм, хийдээс ариусгалын рашаан авчирч ариулаарай.

Бид өдөрт өөрсдийи цаг хугацааны 30-40%-ийг машин дотроо өнгөрүүлдэг тул фэн шүй хэрэгтэй л байж таарна. Орчин үед машин хүний гол  хэрэглээнүүдийн нэг болсон тул түүний тав тухтай  байдал ба үйлчлэл нь бидний энергийн  оронд хүчтэй нөлөөлөх болно. Машин бүр хүнд янз бүрээр нөлөөлж мэдрэгддэг. Тэгвэл ямар хүнд зохих вэ? Фэн шүйд үүнийг хувь заяаны  4 багана гэж нэрлэлэг. Энэхүү хүснэгт хүнд  махболиудын аль сайн нөлөө үзүүлдгийг харуулдаг. /мод, гал, ус, төмөр, шороо/ Жишээлбэл, ус махбодид хар өнгө, 1 ба 6 гэсэн тоо, сэтгэл хөдлөл-айх, энерги-хүйтэн, дотор эрхтэнээс-бөөр тохирдог. Автомашинд дараахь зүйлүүд хамааралтай.

  1. Өнгө
  2. Улсын дугаар
  3. Үйлдвэрлэсэн ба зараглсан хугацаа /учир нь жилийн өдөр болгонд тодорхой махболь тохирч байдаг/

Эхлээд эзэмшигч өөрийн хүснэгтийг зохиолгож ямар махболь сайн болохыг тодорхойлно. Жишээ нь, ус, төмөр гэсэн махбодиуд хамгийн сайн нөлөөтэй байвал машинд зохих өнгө нь хар, саарал, цагаан, мөнгөлөг эсвэл цэнхэр байх болно. Хэрэв бид улаан, шар өнгө сонговол машины энерги эзнээ дэмжихгүй, харин золгүй явлалд хүргэж болно. Салоны өнгө бас чухал. Гална талын өнгөтэй адил байх албагүй.

Автомашины үйллвэрлэгдсэн ба зарсан хугацааг шинжээд хэр азтай машин таарав гэдгийг шинжиж болно. Муу өдөр үйллвэрлэгдсэн машин бусдаасаа илүү замын осолд өртөн, байнга л соронз шиг замын цагдаа нарыг дуудаж байдаг. Үүнийг машин худалдаж авах өдрөөрөө зохицуулж болдог. Мөн эхлээл хөдлөхдөө зөв зүг рүүгээ хөдлөнө. Сайн өдөр худалдаж авсан машины энерги хүний энергитэй зохицон нийлнэ.

Эх сурвалж: Moto.mn

Category: Зөвлөгөө | Views: 4457 | Added by: uugi | Date: 2013/03/11 | Comments (0)

Утаан дахь хорт бодисын хяналт 
Орчин үеийн хөдөлгүүрийн доторх эд ангийг хийцийг шинэчлэх, нэмэлт
 хэрэгслээр тоноглох зэргээр хүний эрүүл мэндэд хортой дараах 3н гол химийн
 бодисын ялгаралтыг багасгах урьдчилан сэргийлэх ажлыг хийж байна. Үүнд:
Нүүрс устөрөгч (CH):
Энэ хий бол шатаагүй буюу хагас шатсан түлш юм. СН нь тахир голын хөндий
 болон тэжээлийн системээс уурших юм уу дутуу шаталтын улмаас
 ажилласан хийн найрлагад агуулагдаж байдаг. 
Нүүрстөрөгчийн дутуу исэл (СО)
Энэ хий нь агаарын хэмжээ хэт бага байх үеийн дутуу шаталтын улмаас 
үүсдэг. 
Азотын эсэл: NOx нь агаар дахь хүчилтөрөгч болон азот нэгдэхэд хүрэлцэхүйц
 өндөр температур шаталтын хөндийд бий болсны улмаас үүснэ. Шаталтаас
 үүссэн СН болон NOx нь нарны гэрлийн нөлөөгөөр хорт бодисыг үүсгэнэ.
 Эдгээр 3н хорт бодисыг зэрэг хянахад хэцүү. Жишээ нь шаталтын өндөр 
температур нь СНыг багасгадаг ч NOxыг нэмэгдүүлдэг. Автомашины үйлдвэрүүд 
энэхүү асуудалтай олон арга замаар тэмцэж байна.

Category: Авто мэдлэг | Views: 1898 | Added by: uugi | Date: 2013/02/16 | Comments (0)

Тоормосны систем
Тоормосны гишгүүр дээр гишгэж, тоормосны төв аппаратан дахь тоормосны шингэнийг шахаж даралтанд
 оруулснаар тоормосны шингэн тусгай хоолойгоор дамжин гүйж 4н дугуй тус бүрийн хавчигч болон тэлэгч
 аппаратанд хуваарилагдана. 
Тоормосны шингэн хавчигч, тэлэгч аппаратуудаар дамжин накладыг дугуйн планзтай шахаж хавчих замаар
 тоормослох үйлдэл хийгддэг. 
Тоормосны систем нь шингэнээр \Тоормосны шингэн буюу гидравлик шингэн\ ажилладаг, даралтат хийгээр
 ажилладаг гэсэн хоёр төрөл байдаг. Суудлын автомашинд ихэвчлэн шингэнээр ажилладаг системийг өргөн  
 хэрэглэдэг. Том оврын хүнд даацын автомашинд даралтат хийн системийн тоормос суурилагдсан байдаг.
Тоормосны шингэн 
Тоормосны шингэн нь агшдаггүй шинж чанартай байдаг, түүний энэ шинж чанарыг ашиглан даралтын хүч үүсгэж 
тоормосны системд шингэнээр ашигладаг юм. Энэ шингэнийг гидравлик шингэн гэх ба буцлах температураас
 бага халуунд өтгөрөхгүйгээр, хүйтэнд тэсвэртэй байдлаар зохиогдсон байдаг. Хэрэв гидравлик шингэн буцалсан
 тохиолдолд физик химийн шинж чанараа алдаж агшиж эзлэхүүн нь багасдаг учраас тоормос барихгүй байх
 шалтгааны нэг болдог байна. Иймээс гидравлик шингэний стандартыг баримталдаг. Гидравлик шингэний нөөц
 сав нь Тоормосны төв аппаратны дээр байрладаг. Нөөц саван дээрх max ба  min тэмдэглэгээгээр шингэний
 түвшинг хянана. Тоормосны гишгүүрийг гишгэхэд гидравлик шингэний түвшин бага зэрэг унана. Хэрэв шингэий
 түвшин унахгүй байвал тоормосны төв аппаратын цлиндр бохирдож битүүрэлтэй байгаа гэсэн үг. 
Тоормосны хавчигч аппарат 
Хавчигч аппарат нь цлиндр дотор поршин буюу бүлүүрийг гидравлик шингэний даралтын хүчээр шахах замаар
 ажилладаг. Жолоочийн тоормосны гишгүүр дээр гишгэж байгаа хүч нь хавчигч аппаратын шахах хүчтэй харилцан
 хамааралтайгаар үйлчилж дугуйн эргэлдэх хөдөлгөөнийг аажмаар бууруулж автомашиныг зөөлөн зогсоодог.
 Тоормосны гишгүүрийг гишгэхээ болих үед гидравлик шингэний даралт багасч цлиндр доторх поршин буцсанаар
 планз наклад хоёр хөндийрөн дугуйнд эргэх боломж олгодог байна. 
Тоормосны хавчигч аппаратны ажиллагаа
Тэлэгч аппарат 
Тэлэгч аппарат нь автомашиныг илүү сайн зогсоодог учраас хойд дугуйнд ихэвчлэн тавьдаг байна. Мөн хүнд
 даацын автомашинуудын урд дугуйнд суурилагдсан байдаг. Хоёр бүлүүртэй цлиндр байх ба гидравлик шингэний
 хийн даралтын хүчээр хоёр бүлүүр гадагшаа чиглэлээр саран накладыг дугуйн планз руу шахаж тоормослох
 үйлдэл хийгддэг. 
Тоормосны гишгүүрийг чөлөөтэй байлгах үед гидравлик шингэний даралт багасч саран накладыг буцаах пүршээр
 өөр хооронд нь татаж дугуйн эргэх хөдөлгөөнийг чөлөөтэй байлгадаг байна. 
Зарим автомашинд тэлэгч аппарат нь зогсоолын тоормосны үүргийг давхар гүйцэтгэдэг. Сидан ангилалын
 автомашины хойд дугуйнд хавчигч аппараттай хамт суурилагдаж зогсоолын тоормосны үүргийг гүйцэтгэдэг
 байна. 
Тоормосны тэлэгч аппаратын ажиллагаа
Category: Авто мэдлэг | Views: 5060 | Added by: uugi | Date: 2013/02/15 | Comments (2)

 Жолооч та жолооны үнэмлэхээ хаяж үрэгдүүлсэн бол 
Энэхүү үнэмлэхийг үрэгдүүлмсэн бол зохих лавлагаа иргэний бичиг баримтыг үндэслэн шалгалтгүйгээр нөхөн олгодог. 
Жолооны үнэмлэх авахад дараах материалыг  бүрдүүлнэ. 
Иргэд жолооны үнэмлэхээ гээгдүүлсэн тохиолдолд иргэний үнэмлэх, эмнэлгийн үзлэгт хамрагдаж тэнцсэн эрүүл мэндийн хуудас, 
Өнгөт зураг: 2 хувь 
Үнэмлэхний 12.500 төгрөгийг банкинд тушаана. 
Хүлээн авагч банк: Төв төрийн сан, хүлээн авагч байгууллага замын цагдаагийн газар, дансны дугаар: 9000961826 

Жолооны үнэмлэхээ хүчингүй болгож зарлуулна. Зарлуулахад 2500 төгрөг банкинд тушаана. 
Хүлээн авагч банк: Төв төрийн сан, хүлээн авагч байгууллага занмын цагдаагийг газар, дансны дугаар: 9000961826 
Үнэмлэхний нэр, хүчингүй болгож зарлуулсан баримтаа замын цагдаагийн газрын Мэргэжил хяналтын тасгийн үйлчилгээний заалны 03 дугаарын цонхонд авч ирнэ. Шалгалт авахгүйгээр нөхөн олгоно.
Category: Зөвлөгөө | Views: 7394 | Added by: uugi | Date: 2013/02/15 | Comments (4)

Пүрш болон амартизаторыг шалгах 
\15-45 минут\ 
Автомашины пүршийг шалгахад хялбар. Бүх дугуй зохих ёсоор хийлэгдсэн, нэг хүн жолоочийн суудал дээр суусан, автомашинаа тэгш гадаргууд байрлуулсан байх ёстой. Ийм үед автомашин гүүшингийн хийцийг өөрчлөөгүй л бол нэг ч өнцөг, тал руу гаа хазайх, болон урд хойд талууд нэг түвшинд байх ёстой. Хэрэв автомашины аль нэг хэсэг, тал намссан юмуу өргөгдсөн шинж мэдэгдвэл гүүшингийн, ялангуяа пүршний техникийн байдал алдагдаж байгаагийн илрэл бөгөөд засварын газарт хандах хэрэгтэй. Пүршний үйлчил гээ засвар нь тусгай багаж тоноглол шаардах бөгөөд тэдгээр нь ердийн грашд байдаггүй. 
Автомашин муу залагдаж, шарваж, донсолгоотой замаар явахдаа гүдгэр газар өнгөрсний дараа дээш доош ихээхэн савлаж байвал амартизатор муудсан гэсэн үг. Цөөн тооны амартизаторыг 40.000 км яваад шинээр сольдог. Хэрэгцээ шаардлага гарахаас нь өмнө зах зээлээс хямп байгаа үед нь амартизаторыг худалдан авч, нөөцлөх нь зүйтэй. Тэнцвэрийг хангахын тулд амартизаторыг нэг нь гэмтсэн буюу элэгдсэн тохиолдолд хосоор нь солих нь зүйтэй. Гэхдээ автомашинд хийцийн хувьд таарах амартизаторыг л худалдан аваарай. 
Амартизаторыг замаар явж турших бүдүүвч
Category: Зөвлөгөө | Views: 3241 | Added by: uugi | Date: 2013/02/07 | Comments (0)

Гоожилт шүүрэлтийг олох 3
Таны машинаас шүүрэх бодисууд
Шингэн
Антифриз: Уснаас арай өтгөн, гол төлөв ногоон, шар өнгөтэй, тунгалагдуу шингэн. Хөргөх шингэний сав буюу хүйтэн радиаторын дээд талаас дээж авч шинж байдлыг нь тодорхойлох хэрэгтэй. Хортой
"ATF" автомат хурдны хайрцгийн шингэн: Хөнгөн тос, голдуу улаан өнгөтэй, өвөрмөц үнэртэй. Шүүрсэн хэсгийг шүүдэнд наалдсан шингэнтэй харьцуулж тодорхойлно. Хортой, бага зэрэг шатамхай шинж чанартай. 
Аккумуляторын шингэн: Хүхрийн хүчил ба усны уусмал, өвөрмөц үнэртэй. Хувцас болон арьсанд хүрвэл түлэгдэлтээс хамгаалж усаар даруй угаа. Зэврүүлэх чанартай хортой. 
Тоормосны шингэн: Шар ногоон\DOT3\,  өнгөгүй \DOT4\, ягаан \DOT5\, бага зэрэг тосорхог шингэн. Гол төлөв мэдэгдэхүйц өвөрмөц үнэртэй. Үндсэн цлиндрийн саван дахь шингэнтэй харьцуулан шинж байдлыг тогтоож болно. Бага зэрэг шатамхай, хортой, будаг уусгах чанартай. 
Дизелийн түлш: Хөнгөн тосорхог, керосинтэй төстэй. Өвөрмөц үнэртэй. Автомашины түлш савны цэнэглэх хоолойн үнэрээр нь таньж болно. Хортой, шатамхай. 
Бензин: Шингэн өвөрмөц үнэртэй. Цэнэглэх хоолойноос үнэрээр нь таньж болно. Хортой, өндөр шатамхай, уур нь дэлбэрэх аюултай.
Механик хурдны хайрцгийн тос: Хүнд тос. Шинэ байхдаа цайвар хүрэн. Хэрэглэх явцад хар болно. Механик хүч хурдны хайрцаг, тэнхлэгүүд, ерөнхий дамжуулга, жолооны механизмыг тосолно. Хортой бага зэрэг шатамхай. 
Өтгөн тос: Бохирдол орсон үед бал адил хар өнгөтэй. Хортой бага зэрэг шатамхай. 
Жолооны хүчлүүрийн шингэн: Шингэн тос. Бохирдсон үедээ бараан өнгөтэй. Жолооны хүчлүүрийн насосны савнаас үнэрээр нь болон өнгөөр нь таньж болно. 
Шил арчигчийн шингэн: Угаах бодис бүхий усны уусмал. Хөлдөхөөс хамгаалсан модны спиртийн найрлагатай. Төрөл бүрийн өнгөтэй байж болно. Бага зэрэг гулсамтгай. Шатахгүй, хортой. 

Хий: 
Агаар: Резин дугуйд \зарим автомашины шил арчигчийн саванд \ 450 кРа хүртэл даралттай агаар байдаг. Агаар ихээр алдагдах нь чимээтэй, гэмтээх аюултай. Харин даралт багаар алдагдах нь аюулгүй. 
Утаа: Халуун, даралттай, өвөрмөц өнгөтэй. Гаргах системийн хоолойноос гарахдаа чимээ үүсгэнэ. Утаагаар амьсгалахаас зайлсхий. Нүүрстөрөгчийн дутуу исэл зэрэг хорт бодис агуулах тул хортой. 
Сийрэгжилт: Агаар нь сийрэгжилтийн хоолойд сорогдон орно. Утааг дахин ашиглах системийн удирдлага, тоормосны хүчлүүр, клапан зэрэг нь сийрэгжилтээр ажилладаг. Сийрэгжилтийн шланг цоорч агаар орох үед исгэрэх чимээ сонсдоно. Аюул багатай. 


Category: Зөвлөгөө | Views: 1859 | Added by: uugi | Date: 2013/02/06 | Comments (1)

Гоожилт, шүүрэлтийг олох 2
Сонгомол буюу урдаа хөдөлгүүртэй хойноо хөтлөх тэнхлэгтэй хийцээс ялгаатай автомашины шингэн, тосны шүүрэлт нь ижилхэн механик хэсгүүдээс гарах боловч тэдгээр нь тухайн автомашинд өөр өөр байрлалтай байж болно. Бага зэрэг шүүрэлтийг бэхэлгээг нь чангалах юм уу хоолой, жийрэг зэргийг сольж засах боломжтой. Гэхдээ хөдөлгүүрийн хөндийгөөс тэдгээрийг сайтар ажиглаж, асуудлыг шийдэх нь дээр юм. Түгээмэл тохиолдох шүүрэлт, гоожилтыг доор дараалуулан жагсаав. Үүнд: 
  1. Радиатор түүний хоолой: Антифриз
  2. Хөргөлтийн шингэний сав: Антифриз
  3. Усны насос: Антифриз
  4. Клапангийн таг: Хөдөлгүүрийн тос
  5. Клапан: хөдөлгүүрийн тос
  6. Тоормосны шингэний сав: Тоормосны шингэн 
  7. Тоормосны резин хоолойнууд: Тоормосны шингэн 
  8. Дискен тоормос: Тоормосны шингэн
  9. Барабант тоормосны цлиндр: Тоормосны шингэн 
  10. Тосны тэвшний жийрэг: Хөдөлгүүрийн тос
  11. Хөдөлгүүрийн блокны ус юүлэх бөглөө: Антифриз
  12. Тахир голын сальник, гинжний таг: Хөдөлгүүрийн тос
  13. Тэнхлэгүүд \гадна талын универсаль нугас\: Өтгөн тос
  14. жолооны хүчлүүрийн насос: Жолооны хүчлүүрийн шингэн 
  15. Жолооны хүчлүүрийн шланг: Жолооны хүчлүүрийн шингэн
  16. Тосны шүүр: Хөдөлгүүрийн тос
  17. Эрчлүүирийн гэр, түүний доод таг: Хөдөлгүүрийн тос буюу механик хурдны хайрцгийн тос
  18. Утаа гаргах систем: Ажилласан хий
  19. Хойд дугуйн жийрэг: Ерөнхий дамжуулгын тос, эсвэл өтгөн тос. 
  20. Ерөнхий дамжуулгын гэр: Ерөнхий дамжуулгын тос
  21. Тэнхлэгүүд \дотор талын универсаль нугас\: механик хурдны хайрцгийн тос
  22. Амортизатор: Амортизаторын шингэн
  23. Хурдны хайрцгийн шингэн: механик хурдны хайрцгийн тос
  24. Тоормосны үндсэн цлиндр: Тоормосны шингэн 
  25. Тоормосны хүчлүүрийн оруулах клапан: Тоормосны шингэн
  26. Авцуулах холбооны шингэнт дамжуулга: Тоормосны шингэн 
  27. Түлшний насос: Дизелийн түлш эсвэл бензин
  28. Түлш дамжуулах хоолой, бэхэлгээнүүд: Түлш
  29. Түлшний шүүр: Түлш 
  30. Карбюратор, инжектор: бензин
  31. Дизель түлшний систем: Дизелийн түлш
  32. Жолооны механизм: Жолооны механизмын тос
  33. Аккумулятор батерей: Аккумуляторын батерейн шингэн 
  34. Шил алчуур: Угаах шингэн 
  35. Айр кондишн: Ус
Category: Зөвлөгөө | Views: 2432 | Added by: uugi | Date: 2013/02/06 | Comments (1)

Гоожилт шүүрэлтийг олох  \1 хэсэг\
Шүүрэлтийн эх үүсвэрийг олох
Таны машинаас гоожиж, шүүрч болох олон арван шингэн бий. Шингэний шүүрэлтийг зогсоохгүй бол томоохон эвдрэл гэмтэлд хүргэж болзошгүй. Зарим шүүрэлт, алдагдал нь хөдөлгөөний аюулгүй байдалд нөлөөлнө. 
1. Радиатор: Доод болон хажуу тал, бөглөө болон бүдүүн резин хоолойг шалгах. Антифризийн шүүрэлт 
2. Усны насос: Агааржуулалтын нүх жийргийг шалгах Антифризийн шүүрэлт 
3. Жолооны хүчлүүр: Насос:, шлангуудыг шалгах, Антифризийн шүүрэлт 
4. Жолооны механизм: Загасан татуургын сальник, эсвэл хэдрэг арааны үзүүрийн жийргийг шалгах. Жолооны механизмын тосны шүүрэлт 
5. Аккумуляторын батерей: Гэр хагарсан эсэх, бөглөөнүүд суларсан, хагарсан, гээгдсэн, элэгдсэн зэргийг шалгах. Аккумуляторын батерейн шингэний шүүрэлт 
6. Шил алчуур: Шингэний хоолой, насос болон савыг шалгах. Ус юм уу угаах шингэний шүүрэлт 
7. Тосны шүүр: Шүүрний болон суурийн бэхэлгээг шалгах, Хөдөлгүүрийн тосны шүүрэлт 
8. Түлшний насос, хоолойнууд: Бэхэлгээ, холбоос, шүүр, карбюраторыг шалгах. Түлшний шүүрэлт. Хөдөлгүүрийн тос механик насосны жийргээс шүүрч болзошгүй.
9. Тормосны үндсэн цлиндр: Бэхэлгээ, шахах шилбэ, тоормосны хүчлүүрийн сийрэгжилтийн хоолойн эргэн  тойрныг шалгах. Тоормосны шингэний шүүрэлт 
10. ТОсны тэвш: Тос юүлэх бөглөө, тэвшний жийрэг, таг, тахир голын сальникийг шалгах. Хөдөлгүүрийн тосны шүүрэлт 
11. Авцуулах холбоо эсвэл гидротрансформаторын гэр: Гэрний доод тал дахь хөдөлгүүрийн тосны толбыг, эсвэл хурдны хайрцгийн тосыг шалгах. Хөдөлгүүрийн тос болон хурдны хайрцгийн тосны шүүрэлт 
12. Air condition: Түүнийг ажиллуулж байхад зорчигчийн бүхээгний харалдаа доор ус тогтох. Усны туналт
13. Хурдны хайрцаг: Юүлэх бөглөө, тагны жийрэг буюу хажуугийн таглаа болон хойд сальникийг шалгах. Автомат болон механик хурдны хайрцгийн тосны шүүрэлт 
14. Хий гаргах систем: Ажилласан хийн алдагдалыг шалгах. Утааны гаралт
15. Амортизатор: Гадна талыг нь шалгах. Тос шүүрч байгаа амортизаторыг солих. Амортизаторын шингэний шүүрэлт
16. Тоормос. Тоормосны барабан, диск дээрх тос, хоолой болон бэхэлгээг шалгах. Дугуйн холхивчний тосыг шалгах, Тоормосны шингэний шүүрэлт 
17. Хойд дугуйн сальник. Хагас голын гэр болон ерөнхий дамжуулгын гэрний холбоосыг шалгах, Ерөнхий дамжуулгын тосны шүүрэлт
18. Ерөнхий дамжуулгын гэр: Юүлэх болон дүүргэх бөглөө, тагны жийргийг шалгах. Ерөнхий дамжуулгын тосны шүүрэлт. 
19. Түлшний сав: Юүлэх бөглөө, хоолойн бэхэлгээ зэргийг шалгах. Суларсан бэхэлгээг чангал. Жийргийг соль. Түлшний шүүрэлт. 
Category: Зөвлөгөө | Views: 2031 | Added by: uugi | Date: 2013/02/04 | Comments (0)

Резин дугуйн  тогтмол шалгалт 
\5-10 минут\
Сард нэг удаа дугуйнхаа хийн даралтыг шалгаж бай. Ингэхдээ нөөц дугуйнхыг мөн адил. Хий суларсан бол хээ түргэн элэгдэж, улмаар жолоодлогод нөлөөлнө. Мөн дугуйн аюулгүй тээх ачааллыг багасгаж шатахуун зарцуулалтыг нэмэгдүүлнэ. 
Автомашиныг жолоодож явахад дугуй халснаас хийн даралт нь бас нэмэгддэг. Хэрэв та дугуйг халсан үед даралтыг нь хэмжвэл заалт нь буруу гардаг. Иймд дугуйг хүйтэн үед даралтыг нь хэмжих хэрэгтэй. 
Мөн хээний элэгдэл жигд байгаа эсэхийг шалгаж бай. Жигд биш байх нь гүүшингийн ажиллагаатай холбоотой байдаг. 
Category: Зөвлөгөө | Views: 1772 | Added by: uugi | Date: 2013/02/04 | Comments (0)

1 2 3 ... 19 20 »
Хайх
 

Валютын ханш Хаан банк


Хуанли
«  March 2024  »
SuMoTuWeThFrSa
     12
3456789
10111213141516
17181920212223
24252627282930
31
Архив
Нэмэлт линкүүд
  • Үнэгүй вэб сайт хийх
  • Online Desktop
  • Үнэгүй онлайн тоглоомууд
  • Видео заавар
  • All HTML Tags
  • Browser Kits


  • Copyright MyCorp © 2024
    Автомашины захиалга, худалдаа. Та хүссэн авто машинаа хамгийн хямд үнээр захиалан авах боломжтой. Та бүхнийг урьж байна.