| Яг одоо манай сайтад: |
Total online: 1 Guests: 1 Users: 0 |
|
Шинийн 17
Харагчин могой өдөр
|
| |
Main » Авто мэдээ
Буруу талдаа рультэй машиныг хязгаарлах тухай санал асуулт дэмжигдсэнгүй Нийслэлийн Засаг даргын Тамгын газраас буруу талдаа жолооны хүрдтэй тээврийн хэрэгслийг ням гаригийн 08-22 цагийн хооронд замын хөдөлгөөнд оролцуулахгүй байх зохицуулалтыг хийх талаар санал асуулга явуулсан билээ. Уг санал асуулгыг Нийслэлийн лавлагаа мэдээллийн төвөөр дамжуулан 2013 оны 1 дүгээр сарын 03-ны 12.00 цагаас эхлэн 30 цагийн хугацаанд олон нийтээс санал асуулга явуулсан юм. Санал асуулгыг санамсаргүй түүвэрлэлтээр сонгогдсон 18-50 насны 98 802 иргэн болон мессеж санал асуулга явуулсан байна. Дээрхи санал асуулгад хамрагдсан хүмүүсийн 74,5 хувь нь буруу талдаа жолооны хүрдтэй тээврийн хэрэгслийг ням гаригт замын хөдөлгөөнд оролцуулахгүй байх зохицуулалтыг дэмжихгүй гэсэн хариулт өгсөн байна. Харин 4740 иргэн ийм зохицуулалт хийхийг дэмжиж саналаа өгчээ. |
Хэний тааллаар буруу талдаа рультэй автомашиныг шахах болов.Томчууд нээрэн томорчих юмаа. Нийслэлийн замын түгжрэлийг багасгахын тулд тун боловсон арга сэдсэн гэнэ. Энэ нь жолооны хүрд нь баруун талдаа буюу бидний нэрлэдгээр буруу талдаа рультэй автомашиныг долоо хоногийн ням гарагт явуулахгүй байх шийдвэр. Энэ шийдвэрийг хэрэгжүүлэхээр өнөөдөр нийслэлийн лавлагаа мэдээллийн төвөөс "Буруу талдаа жолоотой тээврийн хэрэгслийг ням гаригт замын хөдөлгөөнд оролцуулахгүй байх шийдвэр гаргавал дэмжих үү” гэсэн санал асуулгыг явуулж эхэллээ. Санал асуулга ч яах вэ дээ. Хэний ч талд гарч мэднэ. Түүнийг хэн санаачилсан тэр хүнийг л дэмжсэн дүн гарна. Тиймээс олон нийтийн саналаар гэдэг нэрийн дор баруун талдаа жолооны хүрдтэй автомашинуудыг бүтэн сайн өдөр жагсаалтаас гаргах нь тодорхой боллоо. 
Түүнчлэн ирэх сараас баруун талдаа жолоотой автомашиныг импортлохыг хориглох гэнэ. Зам тээврийн яамны Авто тээврийн бодлогын хэрэгжилтийн зохицуулах газрын дарга Д.Батбаатарын хэлснээр Монгол Улс зүүн талдаа жолооны хүрдтэй тээврийн хэрэгслээр тээвэрлэлт гүйцэтгэнэ гэсэн дүрмийн заалттай байдаг. Түүнээс баруун талдаа жолооны хүрдтэй тээврийн хэрэгслийн талаар нарийн заасан зүйл байдаггүй гэнэ. Түүнчлэн түүний хэлснээр зүүн, баруун талдаа жолооны хүрдтэй машин холилдон явж байгаа орон Монголоос өөр бараг байдаггүй гэнэ шүү. Түүний хэлснээр нийслэлийн хэмжээнд замын хөдөлгөөнд оролцож байгаа нийт автомашины 49 хувь нь буруу талдаа жолоотой аж. Тиймээс л тэдгээрийг ням гарагт замын хөдөлгөөнд оролцуулахгүйгээр шийдэж л дээ.
Хачирхалтай л юм. Монголчуудыг автомашин ихтэй баян гэдэг ч хэрэв ийм шийдвэр гарчихвал автомашинтай байгаад яах ч билээ.
Нийслэлийн Засаг дарга бөгөөд Улаанбаатар хотын захирагч Э.Бат-Үүлийн бараг анхны шахуу шийдвэр нь замын хөдөлгөөний хязгаарлалт байлаа. Тэрбээр автомашинуудыг улсын дугаарын сүүлийн цифрээр нь замын хөдөлгөөнд оролцох эрхийг нэг өдрөөр хассан. Түүний энэ шийдвэр нь хувь хүний өмчид халдсан хэдий ч нийслэлчүүд дуртай дургүй дагаж мөрдсөн. Үнэн хэрэгтээ автомашин унах нь хувь хүний эрх. Хотын түгжрэл их гэдгийг нийслэлчүүд мах цусандаа шингэтэл ойлгосон. Харин түгжрэлтэй гэдгийг мэдсээр байж цагаа баримтлаагүй бол жолоо барьж яваа хүний буруу гээд тэдний хувийн өмчөөр оролдохгүй байх арга Э.Бат-Үүл даргад байсан. Гэвч тэр тэгээгүй. Асуудлыг хүчээр шийдвэрлэсэн. Гэтэл одоо түүний дараагийн алхам нь бүтэн сайнд бас оролцуулахгүй гэнэ. Тэгэхээр буруу талдаа жолоотой автомашинтай иргэн юуны тулд хөл дүүжлэх унаатай болсон хэрэг вэ. Тэд долоо хоногийн хоёр өдөр нь машинаа унахгүй юм бол дэмий мөнгөө үрсэн хэрэг үү.
Угтаа нийслэлчүүд ардчилсан нийгэмд амьдарч байгаа улс. Гэтэл хувийн эд хөрөнгө, эрх ашгийг зөрчих нь ардчилсан нийгмийн ёс уу. Өнөөдөр замын түгжрэлийг сааруулахын тулд унах унаагаа хэдийд унахыг зааж байгаа ардчилсан төр маргааш агаарын бохирдлоос үүдэж хэзээ гал түлэхийг хориглоход гайхах юмгүй болжээ.
Нөгөө талаар энэ шийдвэрийг яагаад гаргах болсон нь олны анхаарлыг татаж байна. Нийслэлд давхилдах зөв талдаа жолоотой Land, Lexus, Hammer, Ford, Range Rover, BMW, Benz машинуудыг хэн унаж байна вэ гэдэг асуулт тавих нь илүү биз. Харин тэдгээр автомашинуудыг хэн оруулж ирж байна гэдэг нь илүү сонирхолтой хэрэг. Захаас нь сонирхоод үзье. Land, Hyundai-г Лу.Болдын мэдлийн Бодь, Kia-г Г.Батхүүгийн Шунхлай, BMW-г С.Болдхэтийн Наран моторс оруулж ирдэг. Үнэндээ тэд зөв талдаа жолоотой ч дэндүү үнэтэй тул дундаж амьдралтай монголчуудын хувьд мөрөөдөл. Дэндүү дээрээс шидсэн чулуу нийслэлчүүдийг дэндүү дорд үзэх нь энэ
Эцэст нь хэлэхэд нийслэлчүүд Excel эсвэл олигархиудын эрхэнд орж үнэтэй машин унах хоёр л зам байна. Excel-ийг нэгэнт жагсаалтаас хасчихсан тул одоо үнэтэй машин сандайлах л зам үлдэв. Тэртэй тэргүй ганц машинтай болохын тулд, цалингаас цалингийн хооронд өр шир тавин амьдарч байгаа монголчууд үнэтэй машин мөрөөдөөд юу хийх вэ дээ. Баян хоосны ялгаа туйлдаа хүрэхийг хараад мөрөөрөө явсан нь дээр болох шив.
эх сурвалж www.moto.mn |
Баруун талдаа жолооны хүрдтэй тээврийн хэрэгслийг импортлохыг хориглоно.Замын түгжрэлийг багасгах үүднээс баруун талдаа жолооны хүрдтэй автомашиныг улсын дугаарын хязгаарлалттай адилхан хотын төвийн замуудаар долоо хоногийн ням гарагт замын хөдөлгөөнд оролцохыг хязгаарлана хэмээн яригдах болсон билээ. Энэ талаар Зам тээврийн яамны Авто тээврийн бодлогын хэрэгжилтийн зохицуулах газрын дарга Д.Батбаатараас тодрууллаа.
-Монгол Улсын тээврийн хэрэгслийн тухай хуульд баруун талдаа жолооны хүрдтэй тээврийн хэрэгслийг замын хөдөлгөөнд оролцуулах талаар заасан тодорхой зүйл байдаг уу?
- Монгол Улс зүүн талдаа жолооны хүрдтэй тээврийн хэрэгслээр тээвэрлэлт гүйцэтгэнэ гэсэн дүрмийн заалттай байдаг. Түүнээс баруун талдаа жолооны хүрдтэй тээврийн хэрэгслийн талаар нарийн заасан зүйл байдаггүй. Бүх дүрэм журам нь зүүн талдаа жолооны хүрдтэй тээврийн хэрэгсэлд зориулагдсан байдаг. Ер нь зүүн, баруун талдаа жолооны хүрдтэй машин холилдон явж байгаа орон Монголоос өөр байхгүй гэж хэлэхэд хилсдэхгүй.
-Замын ачааллыг багасгах нэг хэлбэр нь баруун талдаа жолооны хүрдтэй тээврийн хэрэгслийг ням гарагт замын хөдөлгөөнд оролцуулахгүй байхаар яригдаж байгаа гэсэн. Энэ талаар тодруулаач?
-Зөвхөн зүүн талдаа жолооны хүрдтэй тээврийн хэрэгслийг замын хөдөлгөөнд оролцуулах, баруун талдаа буюу буруу талдаа жолооны хүрдтэй тээврийн хэрэгслийг явуулахгүй байх ямар нөхцөл байна гэдгийг бид 2-3 сарын хугацаанд судалж үзсэн. Дэлхийн 190 гаруй орноос 56 орон нь баруун талдаа жолооны хүрдтэй тээврийн хэрэгсэлтэй байна. Харин Америк, Австрали, Канад зэрэг өндөр хөгжилтэй орнууд буюу 133 орон зүүн талдаа жолооны хүрдтэй тээврийн хэрэгсэлтэй байна. Ер нь амралтын өдрүүдэд баруун талдаа жолооны хүрдтэй тээврийн хэрэгслийг явуулах үгүйгээ мэдээж нийслэлийн иргэд санал асуулгаар өөрсдөө шийдэх ёстой. Тодорхой хэмжээний хязгаарлалт хийж болохыг үгүйсгэхгүй. Энэ асуудал дээр бид ард иргэдийн санал хүсэлтийг хүндэтгэж үзэх болно.
-Энэ талаар ямар ажлуудыг хийхээр төлөвлөж байгаа вэ?
-Эхний ээлжинд бид энэ оноос баруун талдаа жолооны хүрдтэй машиныг импортоор оруулж ирэхийг хориглоно. Ер нь судалгаанаас харахад сүүлийн гурван жил 28 орчим мянга осол зөрчил гарсанаас 51.6 хувь нь баруун талдаа жолооны хүрдтэй тээврийн хэрэгслүүдээс болж гарсан байна. Тиймээс иргэд сүүлийн 5-10 жил унах тээврийн хэрэгсэл авахаар төлөвлөж байгаа бол зүүн талдаа жолооны хүрдтэй тээврийн хэрэгсэл авах хэрэгтэй байна. Одоогийн байдлаар хөдөлгөөнд оролцож байгаа нийт тээврийн хэрэгслийн 58 хувь зүүн талдаа жолооны хүрдтэй, 42 хувь нь баруун талдаа жолооны хүрдтэй тээврийн хэрэгсэл байна. Тиймээс цаашдаа баруун талдаа жолооны хүрдтэй, насжилт өндөр тээврийн хэрэгслийн татварын тал дээр томоохон бодлого явуулах хэрэгтэй байгаа.
-Эдгээр бодлогууд хэзээнээс хэрэгжиж эхлэх вэ?
-Бид Авто тээврийн хуулийн шинэчилсэн төслийг яамны хэмжээнд хэлцчихсэн байгаа. Мөн төрийн бус байгууллагуудаар хэлэлцүүлж байна. Ерөнхийдөө хаврын чуулганд төрөөс баримтлах авто тээврийн бодлого, хуулийн хэрэгжилтийг өргөн барина. Түүнчлэн чадвал энэ сардаа багтаад баруун талдаа жолооны хүрдтэй тээврийн хэрэгслийг импортлохыг хориглох төлөвлөгөөтэй байна. Мөн нийслэлийн Засаг даргатай хэрхэн ажиллах талаар Зам тээврийн яам хамтарсан санамж бичигт гарын үсэг зурсан байгаа.
-Баруун талдаа жолооны хүрдтэй тээврийн хэрэгслийг осол аваар их гаргадаг гэж ойлгож болох уу?
-Ер нь томоохон аваар биш юм гэхэд баруун талдаа жолооны хүрдтэй тээврийн хэрэгсэл бага хэмжээний ослыг байнга гаргаж байдаг. Тухайлбал, жолооч заавал бүтэн гарч байж урд яваа тээврийн хэрэгслийг гүйцэж түрүүлэх болдог. Мөн гэрэл шилжүүлэлт нь өөр байдаг. Тодруулбал, жолоочийн талын гэрэл дандаа доор тусч байдаг. Харин баруун талын гэрэл нь хэт дээшээ босоо тусгалтай байдаг учир жолооны хүрд тэр талдаа байхаар ямар нэгэн тээврийн хэрэгсэлтэй зөрөх тохиолдолд гэрэл гялбах нөхцөл их байдаг зэрэг дутагдалтай тал их бий.
-Нэгэнт ороод ирчихсэн баруун талдаа жолооны хүрдтэй тээврийн хэрэгслүүдийг яах вэ?
-Одоо хөдөлгөөнд оролцож байгаа тээврийн хэрэгслүүдийг эндээ насжилтыг нь дуусгана. Гэхдээ болж өгвөл уг тээврийн хэрэгслүүдийг орон нутаг руу шилжүүлэх ч юм уу ер нь л нийслэлдээ баруун талдаа жолооны хүрдтэй тээврийн хэрэгслийг аль болох цөөлнө.
-Машин импортлох эрхтэй хэчнээн компани байдаг юм бэ?
-Нийслэлийн хэмжээнд нийт аж ахуйн нэгжийн 19 хувь нь албан ёсны зөвшөөрөлтэй. Үлдсэн 81 хувь нь Пакистан гаралтай зургаан хүний гарт байдаг. Уг том сүлжээ нь 80 орчим зогсоолтой. Наанаас нь харахад монголчууд уг бизнесийг эрхэлж байгаа юм шиг харагддаг ч цаанаа бол хэдхэн гадаадын хүний гарт байдаг. Тиймээс гадны цөөхөн хэдэн хүнийг дэмжээд Монгол Улсыг аваар осол их гаргадаг хуучин машины цуглуулгатай болгох хэрэг байна уу гэдэг бас л бодох асуудал юм. Ер нь Монголд байгаа нийт тээврийн хэрэгслийн 70 хувь нь 10-аас дээш насжилттай байгаа. Дөнгөж 11 хувь нь 0-3 жилийн насжилттай байгаа.Эх сурвалж: www.mminfo.mn |
Playboy сэтгүүл 2013 оны шилдгүүдийг тодруулжээ.
Playboy сэтгүүл 2013 оны Шилдэг загварыг гаргасан байна. Тэргүүн байрыг 2013 Порше 911 загвар эзэлжээ. Хамгийн халуухан Роадстер загвараар Мерседес-Бенз SL500 загвар өөрийн хүчирхэг хүчин чадал, цул хөнгөн цагаан кузов, дээд зэргийн тав тух, сүүлийн үеийн технологи зэргээр шалгарсан бөгөөд түүнийг авахад танд $106,405 ам.доллар хэрэгтэй.
Харин Шилдэг SUV ангилалд Ланд Ровер Ренж Ровер загвар шалгарчээ. 4-р үеийн Ренж Ровер нь анхны цул хөнгөн цагаан бүтцийг ашигласан SUV болсон бөгөөд үүний туслалцаатай 320 кг гаруй хөнгөн болж чадсан юм. Түүнийг жолоодсоноор аялал зугаалга, амралтаар хол замд явахад компьютерийн туслалцаатай бүх дугуйн хөтлөгч системийг автоматаар тохируулах ажээ. Гадна дизайны хувьд дээд зэргийн байдлыг мэдрүүлэх элементтэй бөгөөд $83,500 ам.доллар төлснөөр өөрийн болгох боломжтой. Спорт седан төрөлд БМВ М5 загвар тэргүүлсэн байна. Их гарын спорт седан бөгөөд хос турбо V8 хөдөлгүүрийг ашигласнаар 560 морины хүч гаргах боломжтой болсон юм. Ийм хүчирхэг эдийг ердөө л $92,095 ам.доллараар та өөрийн болгох боломжтой бөгөөд эр хүн бүрийн хүсдэг зүйлийг танд мэдрүүлнэ гэдэгт итгэлтэй байна Тусгай байрын шагналыг Cadillac ATS загвар хүртсэн байна. Хэрвээ та Derek Hill-ийн оролцсон ЖМ-ийн сурталчилгааг үзсэн бол түүнийг авах хүсэл тань өөрийн эрхгүй төрөх болно. Шилдэг Цахилгаан автомашины төрөлд Хонда Fit EV загвар шалгарчээ. Энэхүү өхөөрдөм, загварлаг бяцхан тэрэг нь хот/шулуун замд 2.86л/100км шатахуун зарцуулалтыг танд санал болгох бөгөөд цэнэглэхэд 3 цаг танаар шаардана. 2013 онд түүнийг хязгаарлагдмал тоогоор борлуулах тул та $37,415 ам.доллараа бэлдээд хүлээж байгаарай. Америк Булчин төрөлд Chevrolet Camaro ZL1 болон Ford Shelby GT500 загвар шалгарсан байна. Камаро нь танд 580 м.х болон 752 Нм эргүүлэх хүчийг хурц ширүүн дизайны хамтаар санал болгож байгаа бол Форд компани 552 морины хүч болон 325 км/ц хурдлах боломжийг санал болгож байна. Дээрх 2 загвар нь 2 уулаа Америк улсын нэр хүндийг өөртөө шингээсэн загварууд билээ. |
|
|
|
| Хуанли |
| « April 2024 » | | Su | Mo | Tu | We | Th | Fr | Sa | | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 |
|
|
|
