| Яг одоо манай сайтад: |
Total online: 1 Guests: 1 Users: 0 |
|
Шинийн 17
Харагчин могой өдөр
|
| |
Main » Авто машин үйлдвэрлэгчид
Nissan wingroad машины тухай  | Wingroad загварын эхэн үе 1996 онд гарсан бөгөөд Sunny California болон AD загваруудыг нэгтгэн хөгжүүлснээр түүх эхэлжээ. 2-р үе нь 1999 онд гарч 2005 он хүртэл үйлдвэрлэгдсэн бөгөөд тус оноос 3-р үе нь зах зээлд гарч эхэлсэн байна. Олон нийтийн дунд эдийн засгийн хэмнэлттэй байдал, салоны зай, өндөр зэрэг нь маш ихээр таалагдсан бөгөөд залуу худалдан авагч нарын сонголт болж чадсан байна.
Анхны төлөвлөгөөт худалдан авалт 3,500 ширхэг/сард байсан бол энэ тоо 7,650 ширхэгт хүрч байсан удаатай байдаг юм байна. |
Өвөрмөц хэв маяг
Хажуу талаас харахад шилний нумарсан хэлбэр нь өндөр сэтгэгдэл төрөхүйц. Ер нь ч Ниссан этгээд өвөрмөц загварлаг тал дээр бусад Япон авто үйлдвэрлэгчдээс онцгойрдог компани гэдгийг хүн болгон мэдэх байх. B багана буюу дунд багана нь хар өнгийн тул үзэмжид сайн зохицсон байна.
Салонын давуу тал
Салоны хэв шинжид хурц өнцөг байхгүй. Хөлөөс урд самбарын дээд цэг хүртэл маш сайн зохицож өгсөн бөгөөд жолооны ард суухад руль асуудал үүсгээд байхааргүй эвтэйхэн. Маш хурдан тав тухаа олдог. Суудлын бүрээс болон элдэв чимэглэлүүд ангилалдаа таарсан чанартай. Нэмэлт HDD навигэйшн, мөн iPod холболт зэрэг зүйлстэй багц бий.
Бидний тест хийж буй загвар 1.5 литрийн хөдөлгүүртэй бөгөөд шатахуунд хэмнэлттэй байгаа нь мэдрэгдэж байв. Хойд суудлуудыг хурааж болдог онцлогтой. Урд суудлыг хойш нь 120 мм хойшлуулж болохоос гадна 40 градус хүртэл хэвтүүлж болдог. Хол замд явахад тохойн тавиур, аяганы суурь зэрэг зүйлс байхгүй нь бага зэрэг дутагдалтай тал нь юм.
Хэрвээ та арын суудлыг хэвтүүлбэл багажинд 412 литрийн зай гарна. Ингэснээр дугуй ачаа зэргийг хялбархан тээвэрлэж болох юм. Хойд суудлууд нам доор орших бөгөөд толгойн түшлэг нь жижигхэн. Суухад эвтэйхэн ч гэсэн машинаас бууж суухад бага зэрэг төвөгтэй. Толгой цохих боломжтой. Хөдөлгүүр
HR15DE хөдөлгүүр дээрээс нь Ниссан компанийн CVT хурдны хайрцаг, 16 инчийн обуд, спорт пүрш амортизатор нь өрсөлдөгч нараас 10-15% илүү хэмнэлтийг танд санал болгоно. Шатахуун зарцуулалт нь хянах самбар дээр 18.0км/Л гэж гарч байсан. Хүчний хувьд 1.8-тайгаас арай сул гэхдээ тав тух, нөхцөл үнэхээр сайн.
Спорт жолоодлого
Өгсүүр газар эсвэл машин гүйцэж түрүүлэх үед хаазыг тултал нь гишгэхэд хүч дутагдахгүй байгаа нь анзаарагдсан. Гэхдээ салонд орж ирэх дуу ихтэй.
Давуу тал
 |
Дизайны хувьд ер бусын шийдэлтэй. Ирээдүйгээ харж залуу худалдан авагч нарт зориулсан нь илт мэдрэгдэж байв. Түүний энэ загвар Марч, Куб, Тийда болон note загваруудад шингээгүй онцлог болсон. Хэмжээний хувьд тийм ч өндөр биш бас тийм ч жижигхэн биш. Яг л таарамжтай хэмжээтэй. Зогсоолд байршуулахад тийм ч төвөгтэй биш дээрээс нь салоны зай тун боломжийн хэмжээтэй.
Би түүнийг хүчтэй, тав тухтай гэж хэлэхгүй, 1.5 литрийн хөдөлгүүрийн гол зорилго бол хэмнэлт шүү дээ. Үнийн хувьд ч боломжийн үнэтэй бөгөөд шинэ машин худалдан авах гэж буй жолооч нарт яг тохирно. Би итгэлтэй байна.
Тээшинд ачаа ачихад хялбар, орчны үзэгдэц сайтай, бага зэрэг спортлог дизайнтай, тээш болон тээшний хаалтыг угаах боломжтой.
90-ээд оны Японы авто үйлдвэрлэгч нар бүхий л зах зээлд гарч байгаа вагон загвартаа 4 дугуйн хөтлөгч системийг ашиглаж байсан. Ойролцоогоор 95 хувь нь энэ зарчмаар явсан бөгөөд 20-р зууны төгсгөл ирэхэд энэ байдал ор тас алга болж эхэлсэн юм. Гэхдээ яг ч ор тас биш 9 жилийн дараагаас түүний хэрэглээ эргэн ирж эхэлсэн.
 |
Хэдийгээр вагон загварын хэрэглээ седан төрлөөс бага хэдий ч Японы хувьд чухал байр сууритай хэвээр байгаа юм. Японы авто үйлдвэрлэгчдийн бүтээл дотоодын зах зээлд Мерседес-Бенз E-Class вагон загвартай шууд өрсөлдөж чадахгүй ч гэсэн хэрэглэгчдийн ая тух, замын ямар ч нөхцөлд туулах чадвараараа седан төрлөөс ч илүү гэдгээ хэдийнээ харуулаад байгаа билээ. Вагон загварыг худалдан авахад тийм ч үнэтэй биш, олон талын ашигтай, нөөц бололцоо их зэргийг нь бодолцон үзвэл амьдралд хэрэг болохоор л загвар юм. Харамсалтай нь манай нөхцөлд энэ бүгдийг дутагдал гэж олж хардаг бөгөөд бүх нийтээрээ ад үзэх шинж хандлагатай.
Хямдхан, хэрэглэхэд ашигтай гэдэг үзүүлэлт бол энэ зах зээлийн гол давуу тал. Вингроад загвар ч гэсэн үүнээс хол зөрсөнгүй. Хүчтэй дизайн, хялбар хэрэглээ, бат бөх байдал зэрэг түүнд бүгд шингэсэн.
1.5 литрийн HR15DE 1498 сс DOHC хөдөлгүүрээс 109 морины хүч хөдөлгүүрийн 6,000 эргэлтэд, 4400 эргэлтэд 148 Нм гардаг бөгөөд банкны багтаамж 45 литр.
|
Estima hybrid машины тухай  | Энэ машин нь анх гарахдаа дэлхийн микро автобусны зах зээлийг доргиосон машин юм. Учир нь гэхээр микро автобус бол дөрвөлжиндүү хэлбэртэй, дотроо вандан маягийн үргэлж суудалтай хүн тээвэрлэхэд зориулсан нийтийн ба албан хэрэгцээний тээврийн хэрэгсэл гэсэн ойлголт хүмүүсийн тархинд бат суусан байжээ. Мөн микро автобус гэхээр жолооч нь урд дугуйн дээрээ цомцойтол суусан, урд талдаа хамаргүй эгээ л эрэг дээрээс унах гэж байгаа юм шиг. Тэгвэл Эстима нь энэ ойлголтыг тас цохиж гэр бүл, хувь хэрэгцээнд хэрэглэхээр тав тух, жолоодлогыг мэдрүүлсэн юм. |  | Тэгвэл Эстима нь энэ ойлголтыг эвдэн гэр болон хувь хэрэгцээнд хэрэглэхээр тав тух, жолоодлогыг мэдрүүлсэн юм. Урд дугуйн ар хэсгээс жолоодоно гэдэг их том ялгаа. Тиймдээ ч дэлхий даяар алдаршин эхний загвар нь 10 гаран жил үйлдвэрлэгджээ. Харин монголчууд бид түүний зах зухаас дөнгөж л амсах төдий байгаа. Үнэхээр түүний уужим зай яах аргагүй эхний давуу тал мөн. |
Хоёрдугаарт түүний бөмбөгөөр дизайн ба одоо ч энэ хэлбэрээ хадгалсаар байна. Хайбрид хувилбар, цахилгаан хөдөлгүүртэй хойд хөтлөгч. Одоо энэ нь уламжлаад Алфард гэх мэтийн загваруудад тавигдаад байгаа билээ. Хөдөлгүүрийн хувьд Клюгер, Харриер, Камри, Рав4 гээд нийтлэг загваруудад тавигддаг 2AZ хөдөлгүүр бөгөөд тийм ч муугүй юм. Мөн энгийн загваруудад V6 хөдөлгүүрийн сонголт бий. Харин хурдны хайрцаг нь хайбрид хувилбарт CVT гэсэн ганц сонголттой. Хайбрид хувилбарын гол эвдрэл нь CVT хурдны хайрцаг байдаг. Засварын газруудын мэдээллээр бол хурдны хайрцагийн 1-р голын араа хугарч гацах, хурдны хайрцагийн дамжуулга хий эргэх зэрэг гэмтлүүд гардаг. Араа хугарна гэдэг нь 1-р голын гангийн хатаалт илүү ачаалалд тооцоологдоогүй байж болно. Манайхан байнга л даац хэтрүүлдэг шүү дээ. Харин CVT дамжуулгын хувьд түүний амьдрах хугацаа дуусаж байгаа зуун мянга илүү гүйсэн тэргүүд ирдэг, нөгөө талаас нүсэр хүнд бие, дээр нь илүү ачаалсан үед хий эргэж эвдрэх нь ойлгомжтой юм. Эндээс гинжин дамжуулгат CVT нь том автомашинд тохиромжгүй гэсэн дүгнэлт хийж болохоор байна. Estima- гийн хайбрид биш загвар нь харин манайд нийтлэг хэрэглээд байгаа Harrier, Kluger шиг эдэлгээтэй байх юм. Яагаад гэвэл нэг суурьтай юм. Үйлдвэрлэгчийн мэдээлснээр бол энгийн 2.4 мотортой нь 10 орчим л, хайбрид нь 6-7 л шатахуун зарцуулахаар заалттай.  | Салон дотроо бол уужуухан бөгөөд хөл тулна гэсэн зовлон байхгүй. Бүх эгнээний суудлууд хойш урагш гүйхээр хийгдсэн. Урд хянах самбар голдоо хянах дэлгэцтэй боловч яг голд нь дов шиг хийлгүй төгсгөл нь аажимдаа жолоочийн урд хүртэл үргэлжлэх учир эл хуль оргиод байх нь гайгүй. Урд хянах нь том бандгар учир их том ширээний ард суусан ч юм шиг сэтгэгдэл төрнө. 2-р эгнээний суудал нь капитан суудал буюу голоороо зайтай тусдаа байрлана. Арын эгнээнд голоор нь дамжаад орохоор. Мөн 2-р эгнээний суудал нь үргэлж суудалтай ба хамгийн зүүн талын суудал урагш гүйснээр хойд эгнээнд орох хувилбар бий бөгөөд манай нөхцөлд эсрэг талаас суух хэрэг гарах нь. Тиймээс дундуураа ордог нь зүгээр юм байна. Шал нь нилэнхүйдээ тэгш болохоор хөлд тээглээд байх зүйл байхгүй. |  | Хойд 2 хаалга нь гүйдэг хаалга. Энэ манай нөхцөлд дуу орох ч гэдэг юм уу сул талтай. Хойд хаалганы шил онгойлгох товчлуур нь хэвтээ биш босоо байгаа нь гарт тийм ч эвтэй бус. Гүйдэг хаалгыг жолооч товчлуур дарж хааж болох боловч манайхаар бол буруу талдаа голдуу товчлуураар хаах болдог тул үр ашиг багатай юм. Харин 2 талдаа товчлуураар хаахаар захиалж хийлгэсэн хувилбар байдаг. Тэр нь ховор гэж хэлж болно. Хурдны хайрцагийн шилжүүлэгч бариул рулийн хажууд байрласан нь урд хоёр суудлын дундуур гарч хойш гарах боломжтой болгосон. Ялан гуяа хайбрид хувилбарыг усанд оруулахаас болгоомжлох хэрэгтэй. Учир нь шалаар нь ихэнх цахилгааны өндөр хүчдэл, баттерэй, инвертер нь байрладаг. |
|
|
Toyota prius машины тухай  | Цахилгаан болон бензинээр давхар ажилладаг автомашиныг эрлийз машин гэж нэрлэдэг байна. Тухайлбал, монголд хамгийн өргөн хэрэглэгдэж байгаа автомашин бол Toyota Prius юм. Prius-г өвөл асахдаа муу гэж мэтээр жолооч нар ярилцдаг. Энэ нь манай улсын эрс тэс уур амьсгалаас гадна эрлийз машиныг арчлах тал дээр жолооч нарын мэдлэг тааруу, мөн амжиргааны түвшинтэй холбоотой жолооч бүр дулаан гаражинд автомашинаа тавиад байх нөхцөл бололцоо муу зэрэг олон хүчин зүйлээс шалтгаалдаг нь тодорхой юм. Ингээд хамгийн өргөн хэрэглэгдэж байгаа Toyota Prius-г сонгон авч дэлгэрэнгүй мэдээлэл өгөхийг зорилоо. |
- HYBRID машины тухай? Hybrid гэдэг бол Монголоор орчуулах аваас Эрлийз гэсэн үг юм. Яг энэ утгаараа машин дээр бууна. Өөрөөр хэлбэл та бидний сайн мэддэг дотоод шаталтат хөдөлгүүр болон цахилгаан моторыг хослуулан ажилладаг тээврийн хэрэгслийг Hybrid Vehicle гэж нэрлэдэг. Ингэснээр эдийн засгийн үр ашигтайгаас гадна байгаль орчинд хор хөнөөл багатай тээврийн хэрэгсэл бий болж байгаа юм. Мэдээж эрлийз учраас түлш бага хэрэглэдэг.
- PRIUS-ийг цахилгаанд залгах ёстой юу? Хэзээ ч залгах шаардлагагүй. Prius нь өөрийнхөө батарейг өөрөө цэнэглэж чаддаг. Тэрээр шаардлагатай үедээ бензин мотороороо ажиллах бөгөөд энэ үед генератор цахилгаан үүсгэн батарейгаа цэнэглэнэ. Тэгэхээр жолооч хүн батарейны маань цэнэг дуусах вий гэж санаа зовох хэрэггүй.- PRIUS нь ямар түлш хэрэглэдэг вэ? Prius нь 91 болон 92 октантай бензинээр ажилладаг мотортой. Өөрөөр хэлбэл манай оронд элбэг байдаг АИ-92 бензинээр ажиллана.- PRIUS хэрэглэснээр хэр их бензин хэмнэх вэ? Prius нь хамгийн их идлээ гэхэд л 100 км-т 5 литр бензин хэрэглэдэг. Хэмнэж явбал 4.4 литр хэрэглэдэг гэсэн тооцоо гарчээ. Энэ бол Prius-ийн хэмжээний машинд хангалттай үзүүлэлт юм. Тэгэхээр хот дотор явдаг хүмүүст бол 4.7 литр гэж ойлгоход буруудахгүй. Унаж заншсан бусад машинтай харьцуулахад явалт, жолоодлого хэр вэ?Prius нь автомат араатай таны унаж дадсан машинаас ялгагдах зүйл огт байхгүй. Тэр тусмаа явж байгаа үедээ ямар ч ялгаагүй. Харин онцгой зүйл нь зогсолтын горим болон удаан явж байгаа үед л анзаарагдана. Өөрөөр хэлбэл түгжрэлд орчихсон нормалдаад зогсож байхад дотоод шаталтын хөдөлгүүр унтрах бөгөөд цахилгаан мотор ажиллагаанд орно. Цахилгаан мотор ажиллаж байгаа үед машин тань ямар ч чичиргээ, моторын чимээ эргэлтгүй болох учир машин тань унтарчихсан юм шиг санагддаг. Энэ үед шинэхэн жолооч машинаа унтарчихлаа гэж санан асаах гэж оролддог юм. Улаанбаатар хот шиг түгжрэл ихтэй, богинохон замуудтай үед Prius үнэхээр тохирсон машин юм. Жижигхэн боловч боломжийн хүчтэй цахилгаан мотороор машин тань ажиллах нь байна шүү дээ. Түүнчлэн Prius-ийн дотоод шаталтын мотор нь 1500cc багтаамжтай боловч цахилгаан моторын хүчийг нэмбэл 2.4 литрийн багтаамжтай мотортой тэнцэх хүч гаргах ажээ. Иймд хүч сайтай, хурдтай боловч хэмнэлттэй гэдэг нь ойлгомжтой болж байна.- Механик кроптой PRIUS бий юу? Мэдээж механик кроптой бол бензин илүү хэмнэх нь ойлгомжтой. Харамсалтай нь Prius-ийн загваруудад механик кроп байхгүй. Тэр байтугай арааны алхамт систем ч байхгүй. Өөрөөр хэлбэл бидний ярьдаг шиг 1-р араа, 2-р араа байхгүй гэсэн үг. Түүнд ганцхан араа бий. Харин түүнийхээ эргэлтийг цахилгаан мотор зохицуулдаг. Гэвч жолоодох үед бидний унаж дадсан автомат кроптой машинаас юугаараа ч ялгагдаггүй байна.- Бензин дуусчихвал PRIUS явж чадах уу? Үгүй. Ямар ч тохиолдолд бензин байх шаардлагатай. Гэхдээ шатахууны саванд бензин байхад Prius маань бензин хэрэглэхгүйгээр явж чадах боловч Prius маань эрлийз тэрэг гэдгийг санах хэрэгтэй. Тэгэхээр бензин заавал байх ёстой юм.PRIUS-ийн аюулгүй байдал хэр вэ?Prius бол Toyota фирмийн сүүлийн жилүүдэд бүтээсэн тэрэг учраас орчин үеийн сонирхолтой системүүд бараг бүгд бий. Тоормосны ABS (Anti-Lock Brake System) системтэй. Бас жолоочийн болон зорчигчийн ослын дэртэй. Хамгийн гол нь хэлбэр нь их царай муутай гэж яригддаг. Гэвч Prius-ийн хэлбэр нь осолд ороход хамгийн аюул багатай загваруудын нэг юм. Бөгтөрдүү загвартай шүү дээ. Осолд орох үед цахилгаан мотор болоод батарей нь зорчигчдыг тогонд цохиулах аюултай байдаг учир батарейг сайтар тусгаарлаж өгсөн байна. Танд гэж хэлэхэд Toyota Prius II хэмээх 2000-2003 онд гарсан загвар нь NCAP (New Car Assessment Program) буюу шинэ машинд олгодог үнэлгээнээс 4 од авсан нь тун өндөр үзүүлэлт юм. Тэгвэл саяхан гарсан Prius III цоо шинэ загвар нь 5 од авсан нь хичнээн их дээшилж, урагшилж байгааг харуулж байна. 5 од бол хамгийн өндөр оноо шүү дээ. Өөрөөр хэлбэл бараг л төгс машин болсон гэсэн үг.- PRIUS-ийн арчилгаа үйлчилгээг хэн хийх вэ? Цахилгаан мотор болоод батарейнаас бусад механикийн бүхий л эд ангиуд нь жирийн машинтай яг адилхан засвар үйлчилгээ шаардана. Иймээс үүнийг дурын засварын газар хийж болно. Харин батарейны хэсэг нь элдэв засвар үйлчилгээ шаардахгүй. Яг л та бидний гар утасны батарей засвар үйлчилгээ хийлгэдэггүйтэй адил юм даа. Бас цахилгаан моторт ямар ч үйлчилгээ хэрэггүй. Яг л бидний хэрэглэдэг угаалгын машины цахилгаан мотор арчилгаа шаарддаггүйтэй адил юм.PRIUS хэдэн жил болох вэ?Toyota фирмийн машинууд ерөнхийдөө хамгийн эдэлгээ сайтай, бөх бат байдаг. Монголд орж ирсэн Prius-үүд буруу арчилж батерейнд нь асуудал үүсгэхгүй бол бусдаараа бусад Toyota-н машинуудтай ижил.- PRIUS-ийн батарей хэр удаан ажиллах вэ? Түүнийг солиход хэр үнэтэй вэ? Мэдээж Prius нь батарейгүйгээр явах аргагүй болох тул энэ бол анхаарал хандуулах ёстой асуудал юм. Ер нь бол Prius нь Toyota-ийн анхны олон нийтэд зориулан үйлдвэрлэсэн эрлийз тэрэг гэхэд тун чанартай гэдэгт итгэж болно. Түүний батарей ч гэсэн сайн ажилладаг. Toyota-ийн лабораторийн үзүүлэлтээр бол Prius-ийн батарей нь 290,000 км замд хэвийн ажиллах нормтой юм байна. Гэхдээ аливаа автомашины хэр удаан ажиллах нь жолоочоос ихээхэн хамааралтай. Түүнчлэн дэлхий даяар Prius II ба III загварууд 500,000 хувь зарагдсан гэхэд батарейтай холбоотой гомдол огт ирээгүй юм байна. Гэхдээ батарей эвдэрвэл та нилээд хүнд байдалд орно. Батарей бол маш үнэтэй эд анги юм. Prius II ба Prius III загварын батарейг солиход 4000 гаруй доллар зарцуулж байгаа бол монголд элбэг байдаг Prius I нь дутахгүй үнэтэй ажээ. Гэхдээ энэ үнэ жил бүр хямдарч байгаа. 3-хан жилийн өмнө батарейг бүр 7000 доллараар сольж байсан. Яваандаа 2000 хүртэл буурах байх гэсэн тооцоо байдаг.-PRIUS-ээр юм чирж болох уу? Prius-ээр юм чирэх нь тун тохиромжгүй юм. Яагаад гэвэл түүний моторын бүтэц нь эдийн засгийн хэмнэлт гаргах явдал юм. Иймээс тэр илүү хүч гаргахдаа тааруу. Prius-ийг үйлдвэрлэсэн мэргэжилтэн хэлэхдээ "Prius-ээр юм чирэх хэрэггүй” гэж шуудхан хэлж байна. Гэхдээ гадаадад жижигхэн чиргүүл чирчихсэн явж байх тохиолдол хэд хэд гарсан гэсэн. Хэрвээ хүнд юм чирвэл цахилгаан болоод уламжлалт мотороо эвдэх аюултайг санагтун.-Арын суудлыг эвхэж болох уу? Болно. Арын суудлыг 60/40 харьцаагаар бүтээсэн тул эвхэх үед арын хэсэгт чөлөөтэй зай гардаг.-PRIUS-ийг холбож асааж болох уу? Болно. Танд 12 вольтын цахилгаан байхад л болно. Түүнийгээ Prius-ийнхээ jumper кабельд холбоод л түлхүүрээ дарахад болно.-LEVs, ULEVs, SULEVs, AT-PZEVs гэсэн хэллэгүүдийн учир? LEV гэдэг бол Low Emission Vehicle гэсэн үгүүдийн товчлол юм. Монголчилбол Хорт утаа бага ялгаруулдаг тээврийн хэрэгсэл гэж болно. Энэ нь Калифорни мужийн Агаарын Нөөцийг Удирдах Газраас гаргасан стандарт юм. Тэгвэл ULEV гэдэг нь Ultra-Low Emission Vehicle буюу Маш бага хорт утаа ялгаруулдаг тээврийн хэрэгсэл юм. Энэ нь LEV-ийг бодвол илүү нарийн хэмжүүрээр тээврийн хэрэгслийг шалгаж үнэлгээ өгдөг. Харин SULEV бол Super Ultra буюу Супер бага гэсэн утгатай. Тэгвэл AT-PZEV бол Advanced Technology Partial Zero Emission Veihcle гэсэн утгатай бөгөөд монголчилбол Сайжруулсан Технологи Ашиглаж бараг л Тэг Хорт Утаа ялгаруулдаг гэсэн үг. Сүүлийн ангилалд орсон автомашин их ховор бөгөөд Toyota Prius III-ийг энэ ангилалд оруулсан байна. Харин Prius II нь SULEV-д ордог байсан тул III загвар нь нэг шат ахиж байгаль орчинд ямар ч хор хөнөөлгүй болсон гэж ойлгож болно.TOYOTA болон HONDA-ийн эрлийзүүдийн ялгааг хэлж өгнө үү?Honda ч гэсэн эрлийз тэрэг үйлдвэрлэлтээр нилээд их ажил хийж байгаа. Тэгвэл Toyota нь тухайн явалтдаа дотоод шаталтат болон цахилгаан мотороо аль алийг хэрэглэх бөгөөд хэрхэн зохицуулж явахаа өөрөө шийддэг. Хамгийн тохиромжтой хувилбараа өөрөө сонгодог гэсэн үг. Жолооч хүн жирийн л машин жолоодож байгаа юм шиг явахад л болно. Тэгвэл Honda нь үргэлж дотоод шаталтат хөдөлгүүрээ ашиглах бөгөөд илүү их хүч шаардагдсан үед цахилгаан мотор ажиллагаанд орж тусалдаг байна.эх сурвалж: car club mongolia |
Тоёота Моторс корпораци
Сакичи Тоёода Ноён Сакичи Тоёода 1897 онд 30 насандаа өөрийн анхны компаниа " Toyota automatic loom works" нэртэйгээр нэхмэлийн суурь машин үйлдвэрлэхээр байгуулсан. Тэрээр маш чадварлаг зохион бүтээгч байсан тул японы эзэн хааны армийн цэргийн хэрэгцээг хангах үүднээс түүнийг дэмжиж ажилладаг байжээ. Английн нэхмэлийн машины загваруудад үндэслэн илүү өндөр бүтээмжтэй, хямд өртөгтэй нэхмэлийн машиныг бий болгохыг зорьж ажилласан тэрээр японд анхны Тоёода автомат ажиллагаатай нэхмэлийн суурь машиныг бүтээж чадсан. Түүний автомат нэхмэлийн машины үйлдвэрлэл дэлхийн бусад улс орнуудаар түгэн тархсан байдаг. Анхны автомат ажиллагаатай нэхмэлийн суурь машин 1925 он
Toyoda нэхмэлийн машины үйлдвэр Кийчиро Тоёода Кийчиро эцгийнхээ автомат нэхмэлийн машины үйлдвэрлэлд инженерээр хэдэн жил ажиллажээ. Тэрээр 1929 онд автомашины үйлдвэрлэлийн талаар судалдж анхны бүрэн япон автомашин хийхээр шийдэж эцгийгээ ятгаж Тоёода автомат нэхмэлийн суурь машины лицензийг Pratt Bross д худалдасан хөрөнгөөр автомашин угсрах шугамыг 1933 онд байгуулж чаджээ. Тэр зах зээлд шинэ бүтээгдхүүн гаргахад туршлагатай байх ёстойг мэддэг инженер хүн байлаа. Маш шаргуу ажилласны дүнд 1934 онд анхны бүтээгдхүүн болох А төрлийн хөдөлгүүрээ бүтээж, 1935 онд А1 загварын суудлын автомашин бүтээжээ. Кийчиро японы анхны дотоодын үйлдвэрлэгч болж чадсан байна. 1936 онд анхны Тоёодагийн логог зохиож албан ёсны нэрийг авсан. Toyoda AA загварын суудлын автомашины үйлдвэрлэлийн шугам 1936 он
Женерал моторс компанийн үйлдвэрлэл нэг сард 1300 автомашин үйлдвэрлэх хүчин чадалтай байсан тэр үед Кийчиро нэг сард 2000 автомашин үйлдвэрлэх хүчин чадалтай үйлдвэрлэл барихаар шийдсэн. Түүний шинэ үйлдвэр усан замаар бүтээгдхүүнээ тээвэрлэх шаардлагатай байсан тул далайд ойрхон байгуулах хэрэгтэй болсон. Ингээд тэр Нагоягийн зүүн хэсэгт газар худалдан авчээ. Тоёота моторс компани 1937 онд албан ёсоор нийт 12 сая иений хөрөнгө оруулалтаар хэдэн мянган хүнийг ажлын байраар хангах "Тоёота Сити"н цогцолбор хотхон болох үйлдвэржилт, орон сууц, сургууль цэцэрлэг, эмнэлэг, цэнгэлдэх хүрээлэн зэрэг байгууламжуудыг барих бүтээн байгуулалтын эхлэлийг ажлыг тавьжээ. Харамсалтай нь тэр цагт Манжуур дахь үйл явпал нь хятадтай хийх дайн болон хувирсан. Тоётоа моторс компани нь японы эзэн хааны армид зориулсан ачааны автомашин үйлдвэрлэх болсон. 1945 онд дайн дуусах үед Тоёотагийн үйлдвэрийн тоног төхөөрөмжүүд үлэмж их элэгдэж муудсан ба японы нийт төхөөрөмжүүд ч ихээхэн элэгдсэн байна. АНУын автомашин үйлдвэрлэгчид дунд хэмжээтэй буюу том овортой машинуудыг үйлдвэрлэхэд гол анхаарлаа төвлөрүүлж байсныг бодолцон үзэж зах зээлийн өрсөлдөөнөөс сэргийлэх замаар суудлын жижиг автомашиныг голчлон үйлдвэрлэх чиглэл баримталсан. 1947 оны 9 сараас эхлэн Тоёотагийн жижиг загварын автомашинууд toyotapet нэрээр худалдаанд гарч байжээ. Энэ загварын анхных нь toyotapet SA, toyotapet SB, toyotapet Stout зэрэг хөнгөн ачааны тэргүүд, toyotapet Crown, toytapet Crown зэрэг суудлын автомашинуудыг үйлдвэрлэж байжээ.
Лого: Анхандаа автомашинуудаа компанийн үндэслэгчийн гэр бүлийн нэр болох Тоёода нэрээр худалдаалж байжээ. 1936 оны 9 сард компани олон нийтийг хамарсан лого зохиох уралдааныг зарласан байна. Үүнд 27000 гаруй бүтээл ирсэнээс ялагчийн бүтээл нь тойрог дотор гурван япон катакана үсгээр Тоёода гэж бичсэн байв. Гэвч энэ гэр бүлийн хүргэн болох Рисабура Тоёода энэ нэрийг Тоётой болгох нь дуудах болон бичихэд амархан гэснийг зөвшөөрч 1937 оны 8 сард Тоёота болгон өөрчилсөн байна. Гурван элипсээр Т үсгийг дүрсэлсэн нь хэрэглэгчийн сэтгэл ханамж, бидний үүрэг, хэрэглэгчдийг төлөөлж бүтээгдхүүний чанарын үнэлэмжийг бэлэгддэг байна.
|
|
|
|
| Хуанли |
| « April 2024 » | | Su | Mo | Tu | We | Th | Fr | Sa | | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 |
|
|
|
