26 December 2012 - Айчи Авто Мобилс Монголиа

Автомашины хөтлөгчийн төрөл

2WD Урд хоёр дугуйндаа хөтлөгчтэй.

Автомашины хөтлөгчийн хамгийн энгийн төрөл юм. Бөмбөлгөн холбоосуудаас холбогдсон холбогч гарнуудад тулгуурлан хөдөлгүүрийн эрэлтийг 5н булаар дамжуулан дугуйнд хүргэнэ.

Дээрх зурганд 2WD урдаа хөтлөгчтэй, хөдөлгүүрийн хөндлөн байрлал

2WD урдаа хөтлөгчтэй, хөдөлгүүрийн уртаашаа байрлал

2WD Хойд хоёр дугуйндаа хөтлөгчтэй.

Хөдөлгүүрийн эргэлтийг кардан голоор дамжуулан дифференциал хувиарлагч руу хүргэж хойд дугуйнуудыг эргэлтэнд оруулна.

2WD хойд хөтлөгчтэй, хөдөлгүүрийн уртаашаа байрлал

Full time дөрвөн дугуйндаа хөтлөгчтэй

Сүүлийн үеийн AWD буюу full time хөтлөгчтэй автомашинууд их боловсронгуй байдаг. Автомашины төв компьютерийн хяналтаар дөрвөн дугуйны барьцалтыг сайжруулж урд болон хойд, төв дифференциал хувиарлагч давхар ажиллаж байдаг. Автомашин хөдөлж тодорхой хэмжээний хурд авахад дөрвөн дугуйны хөтлөгчөөс салж хоёр дугуйны хөтлөгчид шилждэг. Зарим автомашин байнгын дөрвөн дугуйндаа хөтлөгчтэй байдаг.

4WD Дөрвөн дугуйндаа хөтлөгчтэй

Хоёр дугуйндаа хөтлөгчтэй байрлалыг механик болон цахилгаан хүчний үйлчлэлээр дөрвөн дугуйгаар хөтлөх дамжуулалтанд хувиарлах боломжтой. Мостноос салгасан үед тухайн автомашинаас хамаарч урд хоёр дугуй эсвэл хойд хоёр дугуйг хөтлөдөг.

4н дугуйндаа хөтлөгчтэй, хөдөлгүүр хойно байрлал

4н дугуйндаа хөтлөгчтэй, хөдөлгүүр урдаа уртаашаа байрлал

Category: Авто мэдлэг | Views: 1799 | Added by: uugi | Date: 2012/12/26 | Comments (0)

Хянах самбарын анхааруулах гэрлүүд юуг илэрхийлдэг вэ?

Хянах самбарын анхааруулах гэрлүүд юуг илэрхийлдэг вэ?

Анхааруулах гэрэл- Warning ligths

Доорх анхааруулах гэрлүүдийн аль нэг нь асвал та автомашиндаа шаардлагатай арга хэмжээг авах хэрэгтэйг анхаарна уу?

Энэ анхааруулах гэрэл зогсоолын тоормосыг бүрэн суллаагүй эсвэл тоормосны системд гарах алдаа, шингэн дундарсан зэрэг шалтгаанаар асдаг.
Санамсаргүй байдлаас болж зогсоолын тоормосыг суллахгүйгээр замын хөдөлгөөнд оролцох нь аюултай зүйл юм. Зарим автомашинд энэ хэлбэрээр асна.
Хөдөлгүүрийн температур хэт өндөр болоход асна. Энэ анхааруулах тэмдэг ассан тохиолдолд автомашиныг зогсоож хөдөлгүүрийг нэн даруй унтраах шаардлагатай.
Хөдөлгүүрийн тосолгооны системийн тосны түвшин багасах мөн тосны даралтын хэмжээ хэт бага байгааг анхааруулж асна.
Цахиощлгаан үүсгэх төхөөрөмж буюу генераторын ажиллагаа доголдож автомашины цахилгаан хэрэгсэл тэжээлээр доголдохыг анхааруулж асна.
Хамгаалалтын дэрний ажиллагаа идэвхгүй болсонг анхааруулж асна.
хамгаалалтын бүс зүүгээгүйг анхааруулж асна.
Хаалга дутуу, онгорхой эсвэл дутуу хаагдсаныг анхааруулж асна.
check engine анхааруулах гэрэл нь автомашины удирдлагын системд ямар нэгэн доголдол гэмтэл байгааг жолоочид мэдээлж асдаг.
Хөдөлгүүрийн хүч багассаныг анхааруулж асна.
Тоормосны ABS системд электрон хянах хэсэг, хурдны тоологч гэх мэт ямар нэгэн гэмтэл гарсныг анхааруулж асна.
Тоормосны ABS систем идэвхгүй болсныг анхааруулна. \автомашиныг ердийн тоормосны ажиллагаатайгаар цаашид жолоодож болно.\
Тоормосны наклад дуусч байгааг анхааруулж асна. Накладны цахилгаан мэдрэгчтэй машинд энэ анхааруулах гэрэл байна.
Дугуйны даралтыг хянах системийн дугуйн хийний даралтыг 25% ихсэх болон багасах үед анхааруулж асна. Энэ системд ихэвчлэн тогтворжилтын хянах системтэй автомашинд тоноглогдсон байдаг.
Дугуйны даралтыг хянах систем гадна орчны температураас хамаарч дугуйн хийний даралт багасах үеийг анхааруулж асна.
Хүч дамжуулах анги болон механик, автомат кропны эвдрэл гэмтэл, алдаа зэргийг мэдээлж засна.
Жолооны хүрдийг түгжээгүй байхыг анхааруулж асна.
Автомашины хамгаалалтын системийн эвдрэлийг анхааруулж асна. Зарим машинд түлхүүр хэлбэртэй байдаг.
Автомат кропны тосны температур хэт өндөр байгааг анхааруулж асна.
Шатахууны банкны тагны битүүмж алдагдсаныг анхааруулж асна.
Эдгээр анхааруулах гэрэл ассан тохиолдолд шатахууны банкны тагийг зөв эргэдэж чангалсан эсэхийг шалгаарай.
Хөдөлгүүрийн хөргөх систем хөргөлтийн шингэн бага байгаааг анхааруулж асна.
Электрон коллекторын элэгдэл, гэмтлийг анхааруулж асна.
Дизель хөдөлгүүрийн халаагч ажиллаж байгааг илэрхийлж асна.
Шатахууны нөөц багассныг анхааруулж асна.
Шил арчигч шингэн дууссаныг анхааруулж асна.
Духны ремин солих болсныг анхааруулж асна.

Category: Зөвлөгөө | Views: 11030 | Added by: uugi | Date: 2012/12/26 | Comments (0)

GDI хөдөлгүүр

\gasoline direct injection\

Японы инженерүүд агаарын бохирдол, дэлхийн дулаарал зэргийг харгалзан үзэж байгаль орчинд ээлтэй технологи болох энэхүү GDI технологийг бүтээжээ.

GDI хөдөлгүүрийн форсунг нь шатах камер дотроо байрладаг. Өөрөөр хэлбэл поршин дээшилж хуйларсан агаарыг шахаж даралтанд оруулж буй агшинд форсунг нь шатахууныг тоосруулан цацаж өгдөг. Ингэснээр агаар нь шатахуунтай маш сайн холилдож өгдөг.

Өндөр даралтат шатахууны насостой GDIн хөдөлгүүр нь шатахууны шаталтын хэмжээг одоогоор байж болох хамгийн өндөр хэмжээнд хүргэж энгийн хөдөлгүүртэй харьцуулахад 10%иар илүү хүчтэй, утааны найрлага дахь CO- хэмжээ нь 20%иар бага ялгардаг ба шатахууныг 10-20% хэмнэж хэрэглэдэг технологи юм. 60 км\ц хурдтай явахад 13%ийн шатахуун хэмнэлт гаргасан нь батлагдсан байна.

Category: Зөвлөгөө | Views: 1502 | Added by: uugi | Date: 2012/12/26 | Comments (0)

Автомашин хэрхэн явдаг вэ?

Автомашин хэрхэн явдаг вэ?

Суудлын автомашиныг угсрахад дунджаар 15000 эд анги ордог бөгөөд тэдгээрийн 1500 нь түүнийг хөдөлгөхийн тулд харилцан үйлчилж, олонх нь 0,0001 мм-ийн нарийвчлал зөвшөөрөгдөх хэмжээгээр харилцан холбогддог.

Ердийн резинээс авхуулаад цагаан алт \платинум\ болон өндөр чанарын ган хүртэл автомашинд хэрэглэгддэг. Автомашин хэрхэн ажилладаг буюу явдгийг ойлгож мэдэхэд тийм хэцүү биш. Эрэг боолт, жийргэвч, дамжуулах утас, гуурс гэх мэт 15000 эд ангийн ихэнх нь автомашины ажиллагаанд бага нөлөөтэй. Автомашиныг асаах, хөдөлгөх, зогсоох, залахад чухал үүрэгтэй цөөхөн эд анги бий. Автомашин хэрхэн ажилладагийг мэдэх нь түүнийг эвдэрсэн үед нь юу нь болохоо байсныг мэдэх, оношлох анхны алхам билээ.

Хөдөлгүүр

Хөдөлгүүрт түлшний шаталтаас 2500 градусын орчим дулаан ялгарна. Энэхүү дулааны 20%иас хэтрэхгүй хэсэг нь л автомашиныг хөдөлгөхөд хэрэгцээтэй чадал болон хувирна. Үлдсэн хэсэг нь хөргөлтөнд алдагдах болон утаатай гадагшилна. Хөдөлгүүрт 150-200 хөдөлгөөнтэй эд анги бий. Тэдгээрийг хэт элэгдүүлэхгүйн тулд тосолж байх учиртай.

2. Хүч дамжуулах анги

Ихэнх автомашинд хүч хөдөлгүүрээс хойд дугуйд хурдны хайрцаг, кардан гол, дифференциал хойд тэнхлэгээр дамжин очдог. Хүч дамжуулах ангийн хурдны хайрцагт хүнд дамжуулга байх бөгөөд тэр нь хөдлөх өгсөх буюу хурдлах үед шаардагдах харьцангуй их хүчийг бий болгоно. Харин хөнгөн дамжуулга нь хэмнэлтэй явахад буюу тэгш шулуун замаар хурдтай явахад хэрэгтэй.

3. Дугуй, резин дугуй, тоормос

100000 орчим км яваад буюу ердийн нөхцөлд 5 орчим жил ашигласны дараа дугуй нь дунджаар 100 сая орчим эргэлдэж, 2 иж бүрдэл резин дугуйг элээнэ. Автомашин 100 км\цагийн хурдтай явж байгаад тоормослон зогсоход хагас литр усыг буцалгахад хангалттай дулаан ялгардаг.

4. Гүүшин

Орчин үеийн автомашин нь пүрш буюу амортизатор бүхий гүүшинтэй. Тэдгээр нь автомашин явах үед минутанд хэдэн зуун удаа дээш доош хөдөлнө. Энэ нь замын тэгш бусаас үүсэх донсолгоог багасган хөдлөх, хурд авах, зогсох, эргэх үед жолооч зорчигчдын аюулгүй, тухтай байдлыг хангах үүрэгтэй.

5. Жолоо

Нарийн хийцтэй жолооны механизмгүй бол жолооч 900-1800 кг жинтэй суудлын машиныг залахад дор хаяж 15 кг хүч гаргах шаардлагатай. Харин жолооны механизм нь үүнийг 2,5 кг болтол бууруулан хөнгөвчилж өгдөг.

6. Цахилгаан систем

12 вольтын аккумуляторын батерей нь хөдөлгүүрийг асаах, гэрэл, хөгжим, дуут дохио, салхины шил, сэнс болон бусад цахилгаан хэрэгслийг ажиллуулах эх үүсвэр болдог.

7. Их бие, кузов арал

Олонх шинэ загварын автомашинд арал байхгүй. Түүнийг кузов орлоно. Дунджаар 40 м2 нимгэн төмөр нэг автомашинд орно. Үүний зарим нь 0,4 мм нимгэн. Автомашины их бие автомашин явах үед үүсэх чичиргээ, доргиог тэсэхээр бат бөх байх ёстой.

Category: Авто мэдлэг | Views: 2915 | Added by: uugi | Date: 2012/12/26 | Comments (2)

Валютын ханш Хаан банк